ന്യൂദല്‍ഹി: കേന്ദ്ര മന്ത്രി അജയ് മിശ്രയുമായി വേദി പങ്കിടരുതെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധിയുടെ കത്ത്. ‘നിങ്ങളുടെ ഉദ്ദേശം വ്യക്തമാണെങ്കില്‍ അജയ് മിശ്രയുമായി വേദി പങ്കിടരുത്. അദ്ദേഹത്തെ പുറത്താക്കൂ’. പ്രിയങ്ക കത്തില്‍ ആവശ്യപ്പെട്ടു.
ലഖിംപൂര്‍ഖേരിയില്‍ കര്‍ഷകരെ കാര്‍ കയറ്റി കൊലപ്പെടുത്തിയ കേസില്‍ അജയ് മിശ്രയുടെ മകന്‍ ആശിഷ് മിശ്രയെ പൊലീസ് അറസ്റ്റ് ചെയ്തിരുന്നു. കഴിഞ്ഞ ഒക്ടോബര്‍ മൂന്നിനാണ് തിക്കുനിയ ജില്ലയില്‍ സമാധാനപരമായ പ്രതിഷേധത്തിനെത്തി തിരികെ മടങ്ങുന്നതിനിടയിലാണ് കര്‍ഷകര്‍ക്കിടയിലേക്ക് ആശിഷ് മിശ്രയുടെ എസ്.യു.വി ഇടിച്ചു കയറ്റിയത്.
..@narendramodi जी अगर देश के किसानों के प्रति आपकी नीयत सचमुच साफ है तो आज अपने केंद्रीय गृह राज्यमंत्री के साथ मंच पर विराजमान मत होईये, उनको बर्खास्त कीजिये।
प्रधानमंत्री जी को मेरा पत्र। pic.twitter.com/5XNAmAjmvN
— Priyanka Gandhi Vadra (@priyankagandhi) November 20, 2021
8 പേര്‍ മരണപ്പെട്ട സംഭവത്തില്‍ 13 പ്രതികളെ പൊലീസ് അറസ്റ്റ് ചെയ്തിരുന്നു. ആദ്യഘട്ടത്തില്‍ ആശിഷ് അറസ്റ്റ് ചെയ്യാതിരുന്ന പൊലീസ് സുപ്രീം കോടതി രൂക്ഷ വിമര്‍ശനമുന്നയിച്ചതിനെ തുടര്‍ന്ന് അറസ്റ്റ് ചെയ്യാന്‍ നിര്‍ബന്ധിതരാവുകയായിരുന്നു.
