ലൈംഗികാരോപണം നിഷേധിച്ച് എലിസബത്ത് രാജ്ഞിയുടെ മകന്‍ പ്രിന്‍സ് ആന്‍ഡ്രൂ; ജൂറി വിചാരണ ആവശ്യപ്പെട്ടു
ഡൂള്‍ന്യൂസ് ഡെസ്‌ക്
Thursday, 27th January 2022, 1:35 pm
ലണ്ടന്‍: ലൈംഗികാരോപണക്കേസില്‍ ജൂറി വിചാരണ ആവശ്യപ്പെട്ട് ബ്രിട്ടീഷ് രാജകുടുംബാംഗം പ്രിന്‍സ് ആന്‍ഡ്രൂ.
അമേരിക്കയിലെ ന്യൂയോര്‍ക്കില്‍ നിലവിലുള്ള കേസില്‍ അവിടെ ജൂറി വിചാരണ അനുവദിക്കണമെന്നാണ് എലിസബത്ത് രാജ്ഞിയുടെ മകന്‍ കൂടിയായ പ്രിന്‍സ് ആന്‍ഡ്രൂ ആവശ്യപ്പെട്ടത്.
തനിക്കെതിരെ ഉയര്‍ന്നിരിക്കുന്ന ആരോപണങ്ങള്‍ പ്രിന്‍സ് ആന്‍ഡ്രൂ നിഷേധിച്ചു. നിരപരാധിത്വം തെളിയിക്കാന്‍ എന്ന പേരിലാണ് ഇപ്പോള്‍ ജൂറി വിചാരണ ആവശ്യപ്പെട്ടിരിക്കുന്നത്.
ആന്‍ഡ്രൂവിന്റെ അഭിഭാഷകരാണ് ബുധനാഴ്ച ഇക്കാര്യം വ്യക്തമാക്കിയത്. മാന്‍ഹട്ടന്‍ ഫെഡറല്‍ കോടതിയിലാണ് ഇതിന് അപേക്ഷ സമര്‍പ്പിച്ചിരിക്കുന്നത്.
