ന്യൂദല്‍ഹി: പാര്‍ലമെന്റ് പണിതപ്പോഴല്ല പാവങ്ങള്‍ക്ക് വീടും ശുചിമുറികളും നിര്‍മിച്ചപ്പോഴാണ് താന്‍ ഏറെ സന്തോഷിച്ചതെന്ന് പ്രധാനമന്ത്രി നരേന്ദ്ര മോദി. ഇന്ത്യയുടെ പാരമ്പര്യത്തിന്റെ പ്രതീകവും പുതിയ കാലഘട്ടത്തില്‍ രാജ്യത്തിന്റെ പുരോഗതിയുടെ മുന്നോട്ട് പോക്കിന്റെ അടയാളവുമാണ് പുതിയ പാര്‍ലമെന്റ് മന്ദിരമെന്നും മോദി പറഞ്ഞു. പാര്‍ലമെന്റിന്റെ ഉദ്ഘാടന ചടങ്ങുമായി ബന്ധപ്പെട്ട് നടത്തിയ പ്രസംഗത്തിലായിരുന്നു മോദിയുടെ പ്രതികരണം. 25 വര്‍ഷങ്ങള്‍ക്ക് ശേഷം രാജ്യത്തെ വികസിത രാജ്യമാക്കി മാറ്റണമെന്നും അതിനായി കൂടുതല്‍ പരിശ്രമിക്കേണ്ടതുണ്ടെന്നും മോദി കൂട്ടിച്ചേര്‍ത്തു.
12.45 മുതല്‍ 1.30 വരെയായിരുന്നു പ്രധാനമന്ത്രിയുടെ പ്രസംഗം. എന്നാല്‍ ചടങ്ങ് പ്രതിപക്ഷം ബഹിഷ്‌കരിച്ചതിനെക്കുറിച്ചോ, ഉദ്ഘാടനവുമായി ബന്ധപ്പെട്ട വിവാദത്തിലോ അദ്ദേഹം സംസാരിച്ചില്ല.
വരും തെരഞ്ഞെടുപ്പുകളില്‍ മണ്ഡല പുനര്‍നിര്‍ണയം അടക്കമുണ്ടാകുമെന്നുള്ള സൂചനയും പ്രധാനമന്ത്രി പ്രസംഗത്തിനിടെ നല്‍കി. ലോക്‌സഭയിലെ അംഗങ്ങളുടെ എണ്ണം വര്‍ധിക്കുമെന്നും അതുകൊണ്ടാണ് പുതിയ പാര്‍ലമെന്റില്‍ ഇരിപ്പിടങ്ങളുടെ എണ്ണം വര്‍ധിപ്പിച്ചതെന്നും അദ്ദേഹം കൂട്ടിച്ചേര്‍ത്തു.
Delighted to see Sengol being recognized at the inauguration of the new building of the Indian Parliament. Its august presence illustrates how heritage and progress merge beautifully, giving us added inspiration to fulfil people’s aspirations. pic.twitter.com/LurlM4opbo
— Narendra Modi (@narendramodi) May 28, 2023
