ഇബ്രാഹിം കുഞ്ഞ് പറഞ്ഞിട്ടാണ് മുന്‍കൂട്ടി പണം നല്‍കിയതെന്ന ടി.ഒ സൂരജിന്റെ ആരോപണം തെറ്റാണെന്ന് വിജിലന്‍സ് ഹൈക്കോടതിയില്‍ നല്‍കിയ സത്യവാങ്മൂലത്തില്‍ പറഞ്ഞിരുന്നു. സൂരജിന്റെ ശുപാര്‍ശയിലാണ് മന്ത്രി മുന്‍കൂര്‍ പണം അനുവദിച്ചത്.
പൊതുമേഖലാ സ്ഥാപനങ്ങളില്‍ നിന്ന് സര്‍ക്കാര്‍ 11 മുതല്‍ 14 ശതമാനം വരെ പലിശ നിരക്കില്‍ പണമെടുക്കുന്ന ഘട്ടത്തിലാണ് നിര്‍മാണ കമ്പനിക്ക് ഏഴ് ശതമാനം മാത്രം പലിശനിരക്കില്‍ പണം നല്‍കാന്‍ സൂരജ് തീരുമാനിച്ചതെന്നും വിജിലന്‍സ് സത്യവാങ്മൂലത്തില്‍ പറഞ്ഞിരുന്നു.
നിര്‍മാണക്കമ്പനിക്ക് മുന്‍കൂറായി 8.25 കോടി രൂപ നല്‍കിയത് ഇബ്രാഹിം കുഞ്ഞിന്റെ തീരുമാനപ്രകാരമാണെന്നാണ് ടി.ഒ സൂരജ് പറഞ്ഞിരുന്നത്. പാലാരിവട്ടം പാലം അഴിമതിക്കേസില്‍ ഇബ്രാഹിം കുഞ്ഞിന്റെ പങ്ക് അന്വേഷിച്ചുവരുകയാണെന്നും വിജിലന്‍സ് ഹൈക്കോടതിയെ അറിയിച്ചിരുന്നു.
