ഇംഗ്ലണ്ടിന്‍റെ പാകിസ്ഥാന്‍ പര്യടനത്തിലെ ആദ്യ ടെസ്റ്റില്‍ ഇംഗ്ലണ്ട് 74 റണ്‍സിന് വിജയിച്ചിരുന്നു. മത്സരത്തിലുടനീളം ആധിപത്യം പുലര്‍ത്തിയാണ് ഇംഗ്ലണ്ട് പാകിസ്ഥാനെ നേരിട്ടത്.
മത്സരത്തിന് ശേഷം മാധ്യമങ്ങളെ സ്റ്റോക്‌സ് കാണുകയും അവരുടെ ചോദ്യങ്ങള്‍ക്ക് മറുപടി നല്‍കുകയും ചെയ്തിരുന്നു. ഇതിനിടെ സ്റ്റോക്സിനോട് പാകിസ്ഥാനിലെ ഭക്ഷണത്തെ കുറിച്ചും മറ്റും ചോദ്യങ്ങളുയര്‍ന്നിരുന്നു.
പാകിസ്ഥാനിലെ ഭക്ഷണം ഇംഗ്ലണ്ട് താരങ്ങളെ സംബന്ധിച്ച് മോശമായതിനാല്‍ പേഴ്‌സണല്‍ കുക്കുമായാണ് ഇംഗ്ലണ്ട് പാകിസ്ഥാനിലെത്തിയത്.
അഭിമുഖത്തിനിടെ ഒരു പാകിസ്ഥാന്‍ മാധ്യമ പ്രവര്‍ത്തകന്‍ സ്റ്റോക്സിനോട് ചായ എങ്ങനെയുണ്ടായിരുന്നു? (How was the tea?) എന്ന് ചോദിച്ചിരുന്നു. ചായ വളരെ മനോഹരമായിരുന്നു (tea was brilliant) എന്നായിരുന്നു സ്‌റ്റോക്‌സിന്റെ മറുപടി.
2019 ബാലാകോട്ട് ആക്രമണത്തില്‍ പാകിസ്ഥാനില്‍ അകപ്പെട്ട് പോയ ഇന്ത്യന്‍ വിങ് കമാന്‍ഡര്‍ അഭിനന്ദന്‍ വര്‍ധമാന്‍ പാകിസ്ഥാന്‍ സൈന്യത്തിന്റെ കസ്റ്റഡിയിലിരിക്കെ ഇതേ ചോദ്യം തന്നെയായിരുന്നു (How was the tea) അവര്‍ അദ്ദേഹത്തോട് ചോദിച്ചതെന്നും ഈ സാഹചര്യത്തില്‍ ഇന്ത്യന്‍ സൈനികനെ അപമാനിക്കാന്‍ വേണ്ടിയാണ് സ്റ്റോക്സിനോട് ഇത്തരത്തില്‍ ചോദ്യമുന്നയിച്ചതെന്നുമാണ് തീവ്ര ഹിന്ദുത്വ ഗ്രൂപ്പുകള്‍ പറയുന്നത്.
ഇതിന് പിന്നാലെ ഇന്ത്യന്‍ ആരാധകരൊന്നാകെ ട്വിറ്ററില്‍ വിമര്‍ശനമുന്നയിച്ച് രംഗത്തെത്തിയിരിക്കുകയാണ്.
Yaha apaki pakistan team ki faad ke rakh di ben stokes & company ne lekin aap ko bas india ko, abhinandan ko troll karane ki padi hai.
Such petty fuckers. BCCI should convince all other Asian nations to boycott Asia Cup in Pakistan. And then not give Visas to their players for the World Cup 😅 pic.twitter.com/vx1swStsr3
അതേസമയം, റാവല്‍പിണ്ടിയിലെ പിണ്ടി ക്രിക്കറ്റ് ഗ്രൗണ്ടില്‍ വെച്ച് നടന്ന ആദ്യ ടെസ്റ്റില്‍ ഇംഗ്ലണ്ട് ആധികാരികമായ ജയം സ്വന്തമാക്കിയിരുന്നു.
ഫസ്റ്റ് ഇന്നിങ്‌സില്‍ 101 ഓവറില്‍ 657 റണ്‍സായിരുന്നു ഇംഗ്ലണ്ട് സ്വന്തമാക്കിയത്. മറുപടി ബാറ്റിങ്ങിനിറങ്ങിയ പാകിസ്ഥാന്‍ 579 റണ്‍സിന് പുറത്താവുകയായിരുന്നു.
ഒന്നാം ഇന്നിങ്‌സ് ലീഡുമായി ബാറ്റിങ്ങിനിറങ്ങിയ ഇംഗ്ലണ്ട് രണ്ടാം ഇന്നിങ്‌സില്‍ 264ന് ഏഴ് വിക്കറ്റില്‍ നില്‍ക്കവെ ഇന്നിങ്‌സ് ഡിക്ലയര്‍ ചെയ്യുകയായിരുന്നു.
ഇതോടെ മൂന്ന് മത്സരങ്ങളടങ്ങിയ പരമ്പരയില്‍ 1-0ന് മുമ്പിലെത്താനും ഇംഗ്ലണ്ടിനായി. മികച്ച രീതിയില്‍ പന്തെറിഞ്ഞ ഇംഗ്ലണ്ട് സൂപ്പര്‍ താരം ഒലി റോബിന്‍സണാണ് കളിയിലെ താരം.
ഡിസംബര്‍ ഒമ്പതിനാണ് പരമ്പരയിലെ രണ്ടാം മത്സരം. മുള്‍ട്ടാനാണ് വേദി.
Content Highlight: Pakistani journalist criticized on Twitter for allegedly insulting Abhinandan Vardhaman
