'എത്രനാള്‍ വേണമെങ്കിലും മറ്റൊരു രാജ്യത്ത് കഴിയാനുള്ള പണം അദ്ദേഹത്തിന്റെ കൈവശമുണ്ട്'; വിചിത്രവാദങ്ങളുമായി സി.ബി.ഐ; ചിദംബരത്തിന്റെ ജാമ്യാപേക്ഷ തള്ളി
ഡൂള്‍ന്യൂസ് ഡെസ്‌ക്
Monday, 30th September 2019, 3:51 pm
ന്യൂദല്‍ഹി: ഐ.എന്‍.എക്സ് മീഡിയാ കേസില്‍ കോണ്‍ഗ്രസ് നേതാവും മുന്‍ കേന്ദ്രമന്ത്രിയുമായ പി. ചിദംബരത്തിന് മുന്‍കൂര്‍ ജാമ്യം നിഷേധിച്ചു. ദല്‍ഹി ഹൈക്കോടതിയാണ് ഇന്ന് ജാമ്യം നിഷേധിച്ചത്.
40 ദിവസം മുന്‍പാണ് സി.ബി.ഐ അദ്ദേഹത്തെ അറസ്റ്റ് ചെയ്തത്. കഴിഞ്ഞ 25 ദിവസമായി അദ്ദേഹം തിഹാര്‍ ജയിലിലാണ്.
മുന്‍കൂര്‍ ജാമ്യത്തിനെതിരെ സി.ബി.ഐക്കു വേണ്ടി സോളിസിറ്റര്‍ ജനറല്‍ തുഷാര്‍ മേത്തയാണു ഹാജരായത്. ജാമ്യത്തിലിറങ്ങിയാല്‍ ചിദംബരം രാജ്യം വിടുമെന്നും അദ്ദേഹത്തിനെതിരെയുള്ളത് ഗുരുതരമായ കുറ്റമാണെന്നും മേത്ത വാദിച്ചു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ചിദംബരത്തിന് എത്രനാള്‍ വേണമെങ്കിലും മറ്റൊരു രാജ്യത്ത് കഴിയാനുള്ള പണം കൈവശമുണ്ടെന്നും അദ്ദേഹം പറഞ്ഞു.
