ഡാറ്റകള്‍ ചോര്‍ന്നിട്ടുണ്ടാകാമെന്ന് വെളിപ്പെട്ടുത്തി നിന്‍ടെന്‍ഡോ; 160000 അക്കൗണ്ടുകള്‍ ഹാക്ക് ചെയ്യപ്പെട്ടുകാണുമെന്നും കമ്പനി
ഡൂള്‍ന്യൂസ് ഡെസ്‌ക്
Tuesday, 28th April 2020, 1:00 pm
വാഷിംഗ്ടണ്‍: 160000 അക്കൗണ്ടുകളുടെ ഉപയോക്തൃ വിവരങ്ങള്‍ അനധികൃതമായി ഹാക്ക് ചെയ്യപ്പെട്ടിട്ടുണ്ടാവാം എന്ന് വെളിപ്പെടുത്തി നിന്‍ടെന്‍ഡോ.
ക്യോട്ടോ ആസ്ഥാനമായി പ്രവര്‍ത്തിക്കുന്ന ഒരു ജാപ്പനീസ് മള്‍ട്ടിനാഷണല്‍ കണ്‍സ്യൂമര്‍ ഇലക്ട്രോണിക്‌സ്, വീഡിയോ ഗെയിം കമ്പനിയാണ് നിന്‍ടെന്‍ഡോ.
നിന്‍ടെന്‍ഡോ അക്കൗണ്ടുകളുടെ ഉപയോക്താക്കളുടെ സ്വകാര്യ വിവരങ്ങള്‍ ആക്സസ് ചെയ്യുന്നതിന് നിയമ വിരുദ്ധമായി ലഭിച്ച ലോഗിന്‍ ഐഡികളും പാസ് വേര്‍ഡുകളും ഉപയോഗിച്ചിട്ടുണ്ട് എന്നാണ് കമ്പനി വെളിപ്പെടുത്തിയിരിക്കുന്നത്.
നുഴഞ്ഞ് കയറാന്‍ വേണ്ടി ഹാക്കര്‍മാര്‍ നിന്‍ടെന്‍ഡോ നെറ്റ്വര്‍ക്ക് ഐഡി (എന്‍എന്‍ഐഡി) ആള്‍മാറാട്ടം നടത്തിയെന്നും ഇക്കാരണത്താല്‍, എന്‍.എന്‍.ഐഡി ഉപയോഗിച്ച് ഉപയോക്താക്കള്‍ക്ക് അവരുടെ അക്കൗണ്ടിലേക്ക് പ്രവേശിക്കാന്‍ പറ്റുന്നത് നിര്‍ത്തിവെക്കുകയാണെന്നും കമ്പനി പറഞ്ഞു.
