ന്യൂദല്‍ഹി: ഹമാസിന് സമാനമായ രീതിയില്‍ ഇന്ത്യയെ ആക്രമിക്കുമെന്ന് പറഞ്ഞ സിഖ് ഫോര്‍ ജസ്റ്റിസ് സ്ഥാപകന്‍
ഗുര്‍പത്വന്ത് പന്നുവിനെതിരെ എന്‍.ഐ.എ കേസ്.  യു.എ.പി.എ ചുമത്തിയാണ് പന്നുവിനെതിരെ എന്‍.ഐ.എ കേസെടുത്തിരിക്കുന്നത്.

പഞ്ചാബില്‍ നിന്ന് ഇന്ത്യ പിന്‍വാങ്ങണമെന്നും ഖലിസ്ഥാനെ സ്വതന്ത്ര രാഷ്ട്രമായി മാറ്റണമെന്നും പന്നു ഒരു വീഡിയോയില്‍ ആവശ്യപ്പെട്ടിരുന്നു. ആവശ്യങ്ങള്‍ അംഗീകരിച്ചില്ലെങ്കില്‍ ഹമാസ് മാതൃകയില്‍ ഇന്ത്യയെ ആക്രമിക്കുമെന്നും അദ്ദേഹം പറഞ്ഞു.

കൂടാതെ നവംബര്‍ നാലിന് പുറത്തുവിട്ട വീഡിയോ സന്ദേശത്തില്‍ നിങ്ങളുടെ ജീവന് ഭീഷണിയുണ്ടെന്ന് ചൂണ്ടിക്കാട്ടി നവംബര്‍ 19 നും അതിനുശേഷവും എയര്‍ ഇന്ത്യ വിമാനങ്ങളില്‍ കയറുന്നത് നിര്‍ത്താന്‍ പന്നൂന്‍ സിഖുകാരോട് ആവശ്യപ്പെട്ടിരുന്നു.

ഇതിനെ തുടര്‍ന്ന് ഇന്ത്യ സുരക്ഷ വര്‍ധിപ്പിക്കുകയും എയര്‍ ഇന്ത്യ സര്‍വീസ് നടത്തുന്ന കാനഡ ഇന്ത്യ മറ്റു രാജ്യങ്ങള്‍ എന്നിവിടങ്ങളില്‍ അന്വേഷണം ആരംഭിക്കുകയും ചെയ്തു. ഇതിന് പിന്നാലെയാണ് ഗുര്‍പത്വന്ത് പന്നുവിനെതിരെ എന്‍.ഐ.എ കേസെടുത്തത്.

പഞ്ചാബിലെ അമൃത്സറില്‍ ജനിച്ച ഗുര്‍പത്വന്ത് സിഖുകാര്‍ക്കെതിരായ മനുഷ്യാവകാശ ലംഘനങ്ങള്‍ ആരോപിച്ച് ഇന്ത്യന്‍ ഉദ്യോഗസ്ഥര്‍ക്കും സ്ഥാപനങ്ങള്‍ക്കുമെതിരെ അന്താരാഷ്ട്ര കോടതികളില്‍ കേസുകള്‍ ഫയല്‍ ചെയ്തതിലും പങ്കാളിയാണ്. 2020ലാണ് ഇയാളെ ഇന്ത്യാ ഗവണ്‍മെന്റ് തീവ്രവാദിയായി പ്രഖ്യാപിച്ചത്. നിയമവിരുദ്ധ നിയമത്തിലെ സെക്ഷന്‍ 51 എ പ്രകാരം അയാളുടെ കൃഷിഭൂമി കൂട്ടിച്ചേര്‍ക്കുകയും ചെയ്തിരുന്നു. പഞ്ചാബില്‍ മൂന്ന് രാജ്യദ്രോഹക്കുറ്റങ്ങള്‍ ഉള്‍പ്പെടെ 22 ക്രിമിനല്‍ കേസുകള്‍ ഇയാളുടെ പേരില്‍ രജിസ്റ്റര്‍ ചെയ്തിട്ടുണ്ട്.

content highlight : NIA files case against SFJ leader Gurpatwant Singh Pannun for threatening Air India passengers