മഹാരാഷ്ട്രയില്‍ പന്ത്രണ്ടോളം എന്‍.സി.പി എം.എല്‍.എമാര്‍ ബി.ജെ.പിയിലേക്കെന്ന് അഭ്യൂഹങ്ങള്‍; അടിസ്ഥാനമില്ലാത്തതും കെട്ടിച്ചമതുമെന്ന് എന്‍.സി.പി
ഡൂള്‍ന്യൂസ് ഡെസ്‌ക്
Monday, 10th August 2020, 6:06 pm
മുംബൈ: മഹാരാഷ്ട്രയില്‍ പന്ത്രണ്ടോളം എന്‍.സി.പി എം.എല്‍.എമാര്‍ ബി.ജെ.പിയിലേക്കെന്ന് അഭ്യൂഹങ്ങള്‍. എന്നാല്‍ ഈ അഭ്യൂഹങ്ങള്‍ അടിസ്ഥാനമില്ലാത്തതും കെട്ടിച്ചമതുമെന്നാണ് എന്‍.സി.പി പ്രതികരണം.
സംസ്ഥാന മന്ത്രിയും എന്‍.സി.പി മുംബൈ അദ്ധ്യക്ഷനുമായ നവാബ് മാലിക്കാണ് വസ്തുതാ വിരുദ്ധമാണ് അഭ്യൂഹങ്ങളെന്ന് പ്രതികരിച്ചത്. അതേ സമയം നിയമസഭ തെരഞ്ഞെടുപ്പിന് മുമ്പ് എന്‍.സി.പി വിട്ട് ബി.ജെ.പിയിലേക്ക് ചേക്കേറിയ പലരും തിരികെ വരാന്‍ വേണ്ടി നില്‍ക്കുകയാണെന്നും നവാബ് മാലിക്ക് പറഞ്ഞു.
