മുംബൈ: ഗൗതം അദാനിക്കെതിരായ ഹിന്‍ഡന്‍ബെര്‍ഗ് റിപ്പോര്‍ട്ട് പ്രത്യേക ലക്ഷ്യം വെച്ചുള്ളതാണെന്ന് എന്‍.സി.പി അധ്യക്ഷന്‍ ശരദ് പവാര്‍. അദാനി വിഷയത്തിന് പാര്‍ലമെന്റില്‍ അനാവശ്യ പ്രാധാന്യമാണ് നല്‍കുന്നതെന്നും അദ്ദേഹം പറഞ്ഞു. എന്‍.ഡി.ടി.വിക്ക് നല്‍കിയ അഭിമുഖത്തിലായിരുന്നു ശരദ് പവാറിന്റെ പ്രതികരണം.
‘അദാനിക്കെതിരെയുള്ള ആരോപണങ്ങള്‍ അന്വേഷിക്കാന്‍ സുപ്രീം കോടതി അന്വേഷണ സമിതിയെ നിയോഗിച്ചപ്പോഴുള്ള ജെ.പി.സി അന്വേഷണം അനാവശ്യമാണ്.
Sharad Pawar debunks Rahul Gamdhi demand for JPC and constantly harping on Adani #SharadPawar #Adani #hindenburg pic.twitter.com/UDCqcwMQRW
— Rosy (@rose_k01) April 7, 2023
രാജ്യത്തെ ഒരു പ്രധാനപ്പെട്ട വ്യവസായ ഗ്രൂപ്പിനെയാണ് ഹിന്‍ഡന്‍ബെര്‍ഗ് ലക്ഷ്യംവെച്ചത്. അവര്‍ എന്തെങ്കിലും തെറ്റ് ചെയ്തിട്ടുണ്ടെങ്കില്‍, തീര്‍ച്ചയായും അന്വേഷണം വേണം. പാര്‍ലമെന്റില്‍ ജെ.പി.സി അന്വേഷണത്തിന് ആവശ്യമുയര്‍ന്നിരിക്കുകയാണ്. എന്നാല്‍ എനിക്കതില്‍ വ്യത്യസ്തമായ കാഴ്ചപ്പാടാണ്,’ ശരദ് പവാര്‍ പറഞ്ഞു.
