ന്യൂയോര്‍ക്ക്: യു.എസ് ഓപ്പണ്‍ കീരീടം സ്‌പെയിനിന്റെ റാഫേല്‍ നദാലിന്. ഫൈനലില്‍ ദക്ഷിണാഫ്രിക്കയുടെ കെവിന്‍ ആന്‍ഡേഴ്‌സണെ നേരിട്ടുള്ള സെറ്റുകള്‍ക്ക് പരാജയപ്പെടുത്തിയാണ് റാഫ കിരീടത്തില്‍ മുത്തമിട്ടത്.
സ്‌കോര്‍ 6-4,6-3,6-4
നദാലിന്റെ 16-ാം ഗ്രാന്‍ഡ്സ്ലാം കിരീടമാണിത്. മൂന്നാം യു.എസ് ഓപ്പണും. 19 ഗ്രാന്‍ഡ്സ്ലാം നേടിയ റോജര്‍ ഫെഡററാണ് കിരീട നേട്ടത്തില്‍ ഒന്നാമന്‍.
ഫൈനലില്‍ ഒരിക്കല്‍പ്പോലും നദാലിന് വെല്ലുവിളിയുയര്‍ത്താന്‍ ആന്‍ഡേഴ്‌സണായില്ല. മൂന്നാം സെറ്റില്‍ മാത്രമാണ് അല്പം പോരാട്ടം ആന്‍ഡേഴ്‌സണ്‍ കാഴ്ചവെച്ചത്.
ഈ സീസണില്‍ നദാല്‍ നേടുന്ന രണ്ടാമത്തെ കിരീടമാണിത്. 2010 ലും 2013 ലും യു.എസ് ഓപ്പണില്‍ നദാല്‍ യു.എസ് ഓപ്പണ്‍ നേടിയിരുന്നു. ഈ സിസണിലെ നാലു ഗ്രാന്‍ഡ്സ്ലാമുകള്‍ ആധുനിക ടെന്നീസിലെ അതികായരായ നദാലും ഫെഡററും രണ്ടെണ്ണം വീതം നേടി പങ്കുവെച്ചുവെന്നതും സവിശേഷതയാണ്.
വനിതാ ഫൈനലില്‍ ഇന്നലെ നടന്ന അമേരിക്കന്‍ പോരാട്ടത്തില്‍ മാഡിസണ്‍ കീസിനെ തോല്‍പ്പിച്ച് സ്റ്റെഫാനി കിരീടം ചൂടിയിരുന്നു.