ബംഗാളില്‍ ബി.ജെ.പിക്ക് കനത്ത തിരിച്ചടി; ആയിരത്തിലധികം നേതാക്കളും പ്രവര്‍ത്തകരും പാര്‍ട്ടി വിട്ട് തൃണമൂല്‍ കോണ്‍ഗ്രസില്‍ ചേര്‍ന്നു
ഡൂള്‍ന്യൂസ് ഡെസ്‌ക്
Thursday, 23rd July 2020, 5:06 pm
കൊല്‍ക്കൊത്ത: ബംഗാളില്‍ വേരുറപ്പിക്കാനുള്ള കനത്ത ശ്രമങ്ങള്‍ നടത്തി വരവേ ബി.ജെ.പിക്ക് തിരിച്ചടി. പശ്ചിമ മിഡ്‌നാപ്പൂരില്‍ ആയിരത്തിലധികം ബി.ജെ.പി, ഫോര്‍വേഡ് ബ്ലോക്ക് നേതാക്കളും പ്രവര്‍ത്തകരും തൃണമൂല്‍ കോണ്‍ഗ്രസില്‍ ചേര്‍ന്നു. രക്തസാക്ഷി ദിനാചരണത്തിന്റെ ഭാഗമായി തൃണമൂല്‍ കോണ്‍ഗ്രസ് ബൂത്ത് അടിസ്ഥാനത്തില്‍ നടത്തിയ പരിപാടികളുടെ ഭാഗമായാണ് മറ്റു പാര്‍ട്ടികളില്‍ നിന്നുള്ള നേതാക്കളും പ്രവര്‍ത്തകരും എത്തിയത്.
പിണ്ഡറായി ബ്ലോക്കില്‍ നിന്നുള്ള ബി.ജെ.പി പ്രവര്‍ത്തകര്‍ തൃണമൂല്‍ കോണ്‍ഗ്രസില്‍ ചേര്‍ന്നു. സംസ്ഥാനത്തിന്റെ മറ്റ് ഭാഗങ്ങളിലായി നടന്ന പരിപാടികളില്‍ ബി.ജെ.പി, സി.പി.ഐ.എം പാര്‍ട്ടികളില്‍ നിന്നുള്ള 350ലധികം പ്രവര്‍ത്തകര്‍ തൃണമൂലിലെത്തി.
