നായകനാവാനൊന്നും പറ്റില്ല, ലോകകപ്പാണ് വരാൻ പോകുന്നത്, എനിക്കെന്റെ ബാറ്റിങ്ങൊക്കെ ശരിയാക്കണം; തുറന്നടിച്ച് മിച്ചൽ; ഏകദിനത്തിന് ക്യാപ്റ്റനില്ലാതെ ഓസ്ട്രേലിയ
സ്പോര്‍ട്സ് ഡെസ്‌ക്
Wednesday, 12th October 2022, 11:40 am
ഏകദിന മത്സരങ്ങളിൽ നിന്ന് ഇതിഹാസ താരം ആരോൺ ഫിഞ്ച് വിരമിച്ചതോടെ ക്യാപ്റ്റനില്ലാതെ വലയുകയാണ് ഓസ്ട്രേലിയൻ ക്രിക്കറ്റ് ടീം. പാറ്റ് കമ്മിൻസ്, ഗ്ലെൻ മാക്‌സ്വെൽ, സ്റ്റീവ് സ്മിത്ത്, മിച്ചൽ മാർഷ് എന്നിവരിലായിരുന്നു ആകെ പ്രതീക്ഷയുണ്ടായിരുന്നത്. എന്നാൽ പാറ്റ് കമ്മിൻസ് ആദ്യമേ കയ്യൊഴിഞ്ഞു. ഇപ്പോഴിതാ മിച്ചൽ മാർഷും തനിക്ക് താത്പര്യമില്ലെന്ന കാര്യം അറിയിച്ചിരിക്കുകയാണ്.
നായക സ്ഥാനമേൽക്കാൻ തനിക്കാവില്ലെന്നും വരാനിരിക്കുന്ന ടി-20 ലോകകപ്പിൽ ശ്രദ്ധ ചെലുത്തേണ്ടതായിട്ടുണ്ടെന്നുമാണ് അദ്ദേഹം പറഞ്ഞത്.
Mitchell Marsh has ruled himself out of the running to be Australia’s next one-day captain
— ESPNcricinfo (@ESPNcricinfo) October 11, 2022
