കോഴിയും മീനും മട്ടണും കഴിക്കുന്നതിനേക്കാള്‍ കൂടുതല്‍ നിങ്ങള്‍ ബീഫ് കഴിക്കൂ; ആഹ്വാനവുമായി ബി.ജെ.പി മന്ത്രി
ഡൂള്‍ന്യൂസ് ഡെസ്‌ക്
Saturday, 31st July 2021, 3:36 pm
ഷില്ലോങ്ങ്: ജനങ്ങളോട് കൂടുതല്‍ ബീഫ് കഴിക്കാന്‍ ആഹ്വാനം ചെയ്ത് മേഘാലയയിലെ ബി.ജെ.പി മന്ത്രി. കോഴിയിറച്ചിയും മട്ടണും മത്സ്യവും കഴിക്കുന്നതിനേക്കാള്‍ കൂടുതല്‍ ബീഫ് കഴിക്കണമെന്നാണ് മന്ത്രിയായ സാന്‍ബര്‍ ഷുല്ലായി പറഞ്ഞത്.
ജനാധിപത്യ രാഷ്ട്രത്തില്‍ ആളുകള്‍ക്ക് ഇഷ്ടമുള്ളതെന്തും കഴിക്കാനുള്ള അവകാശമുണ്ടെന്നാണ് ഷുല്ലായി പറഞ്ഞത്. എന്നാലേ ബി.ജെ.പിയോടുള്ള തെറ്റിദ്ധാരണ മാറൂ എന്നും മന്ത്രി പറഞ്ഞു.
‘ആളുകള്‍ കോഴിയിറച്ചിയും മട്ടണും മത്സ്യവും കഴിക്കുന്നതിനേക്കാള്‍ ബീഫ് കഴിക്കാനാണ് ഞാന്‍ പ്രോത്സാഹിപ്പിക്കുക. അങ്ങനെ ചെയ്യുമ്പോള്‍ ബി.ജെ.പി ഗോവധത്തിന് എതിരാണെന്ന ധാരണ നീങ്ങും,’ അദ്ദേഹം പറഞ്ഞു.
കഴിഞ്ഞയാഴ്ചയാണ് ഷുല്ലായി മേഘാലയ സര്‍ക്കാരിന്റെ മൃഗസംരക്ഷണ വകുപ്പ് മന്ത്രിയായി ചുമതലയേറ്റത്.
