കൊച്ചി: മലയാളത്തിലെ യുവനടന്മാരില് തനിക്ക് ഏ റ്റവും ഇഷ്ടമുള്ളയാളാണ് ഫഹദ് ഫാസിലെന്ന് പറയുകയാണ് നടന്‍ മനോജ് കെ. ജയന്‍.
കുറച്ച് വര്‍ഷം മുമ്പ് കപ്പ ടിവിയ്ക്ക് നല്‍കിയ അഭിമുഖത്തിലായിരുന്നു മനോജ് മനസ്സുതുറന്നത്.
‘മലയാളത്തിലെ യുവനടന്മാരില് എനിക്ക് ഏറ്റവും ഇഷ്ടപ്പെട്ട നടനാണ് ഫഹദ്. മലയാളത്തിലെ യുവനടന്മാരില് ബെസ്റ്റ് ആക്ടര്‍ ആരാണെന്ന് ചോദിച്ചാല്‍ ഞാന്‍ ഫഹദിന്റെ പേര് പറയും. കാരണം ഫഹദിന് ഒരുപാട് സ്വപ്‌നങ്ങളുണ്ട്. എന്നെ തരിപ്പിച്ച നടന്‍ കൂടിയാണ് ഫഹദ്. ഫഹദിന്റെ അഭിനയ രീതി ശരിക്കും ഞെട്ടിപ്പിക്കുന്നതാണ്. അഭിനയിക്കുകയാണെന്ന് ഒരിക്കലും തോന്നാത്ത രീതിയിലാണ് ഫഹദിന്റെ പ്രകടനം,’ മനോജ് പറഞ്ഞു.
മഹേഷ് നാരായണന്‍ സംവിധാനം ചെയ്ത മാലിക് സിനിമയിലെ പ്രകടനത്തില്‍ അന്താരാഷ്ട്ര മാധ്യമങ്ങള്‍ വരെ ഫഹദിനെ അഭിനന്ദിക്കുന്ന ഘട്ടത്തിലാണ് മനോജ് കെ. ജയന്റെ ഈ വീഡിയോ വ്യാപകമായി ഷെയര്‍ ചെയ്യപ്പെടുന്നത്.
മാലികിന്റെ തിരക്കഥയും സംവിധാനവും എഡിറ്റിംഗും നിര്‍വഹിച്ചതും മഹേഷ് നാരായണന്‍ തന്നെയാണ്. ജൂലൈ 15നാണ് മാലിക് റിലീസ് ചെയ്തത്. ചിത്രത്തിന് സമ്മിശ്ര പ്രതികരണമാണ് ലഭിക്കുന്നത്.
