വൈദീകനെതിരെ സമൂഹമാധ്യമങ്ങളില്‍ പ്രതികരിച്ച വ്യക്തിക്ക് പള്ളിയില്‍ വെച്ച് മര്‍ദനം; കാല് പിടിപ്പിച്ച് മാപ്പു പറിയിപ്പിച്ചു; വീഡിയോ
ഡൂള്‍ന്യൂസ് ഡെസ്‌ക്
Thursday, 25th February 2021, 1:41 pm
കണ്ണൂര്‍: വൈദീകനെതിരെ സമൂഹമാധ്യമങ്ങളില്‍ പ്രതികരിച്ച വ്യക്തിക്ക് പള്ളിയില്‍ വെച്ച് മര്‍ദ്ദനം. കണ്ണൂര്‍ വാണിയപ്പാറ സ്വദേശി ജില്‍സിനെയാണ് കുന്നോത്ത് സെന്റ് തോമസ് പള്ളിയില്‍ വെച്ച് മര്‍ദ്ദിക്കുകയും കാല് പിടിച്ച് മാപ്പ് പറയിപ്പിക്കുകയും ചെയ്തത്.
സംഭവത്തിന്റെ വീഡിയോ സമൂഹ മാധ്യമങ്ങളില്‍ പ്രചരിച്ചതോടെയാണ് വിവരം പുറത്തറിഞ്ഞത്. അര്‍ബുദ രോഗിയായ പതിനാറുകാരന് അന്ത്യ കൂദാശ നല്‍കാന്‍ വൈകിയെന്ന് കാണിച്ച് കണ്ണൂര്‍ കുന്നോത്ത് സെന്റ് തോമസ് ഫൊറോന പള്ളി വികാരി ഫാ. അഗസ്റ്റിനെതിരെ ജില്‍സ് ഫേസ്ബുക്കില്‍ വീഡിയോ പങ്കുവെച്ചിരുന്നു.
