'ആധുനിക വൈദ്യശാസ്ത്രത്തെ കൊന്നുകൊണ്ടിരിക്കുന്ന ഒരുത്തനെയാണ് കേന്ദ്രവും മന്ത്രിമാരും അംഗീകരിക്കുന്നത്'; രാംദേവിന്റെ വിവാദ പ്രസ്താവനയ്‌ക്കെതിരെ മഹുവ മൊയ്ത്ര
ഡൂള്‍ന്യൂസ് ഡെസ്‌ക്
Sunday, 23rd May 2021, 4:16 pm
ന്യൂദല്‍ഹി: ആധുനിക വൈദ്യശാസ്ത്രം വിഡ്ഢിത്തം നിറഞ്ഞതാണെന്ന ബാബ രാംദേവിന്റെ പ്രസ്താവനയില്‍ പ്രതികരിച്ച് തൃണമൂല്‍ എം.പി മഹുവ മൊയ്ത്ര. ആധുനിക വൈദ്യശാസ്ത്രത്തെയും സയന്‍സിനെയും ദിവസവും ഇങ്ങനെ കൊല്ലുന്ന ഒരാളെയാണ് കേന്ദ്രസര്‍ക്കാരും മന്ത്രിമാരും അംഗീകരിക്കുന്നത് എന്നാണ് മഹുവ പറയുന്നത്. ട്വിറ്ററിലൂടെയായിരുന്നു മഹുവയുടെ പ്രതികരണം.
‘ഏറ്റവും വലിയ മണ്ടത്തരം എന്താണെന്ന് അറിയുമോ?
ആധുനിക വൈദ്യശാസ്ത്രത്തെയും സയന്‍സിനെയും ദിവസവും ഇങ്ങനെ കൊല്ലുന്ന ഒരാളിനെയാണ് കേന്ദ്രസര്‍ക്കാരും മന്ത്രിമാരും അംഗീകരിച്ച് കൊണ്ടു നടക്കുന്നത്’, മഹുവ ട്വിറ്ററിലെഴുതി.
അലോപ്പതിയെയും ശാസ്ത്രീയ വൈദ്യ ശാസ്ത്രത്തെയും അപകീര്‍ത്തിപ്പെടുത്തുന്ന തരത്തിലുള്ള പ്രസ്താവനകള്‍ നടത്തിയതിന്റെ പേരില്‍ ഐ.എം.എ രാംദേവിന് ലീഗല്‍ നോട്ടീസ് അയച്ച പശ്ചാത്തലത്തിലാണ് മഹുവയുടെ പ്രതികരണം.
