50ന് മുകളില്‍ പ്രായമുള്ളവരേയും മറ്റ് അസുഖങ്ങളുള്ള പൊലീസുകാരെയും കൊവിഡ് ഡ്യൂട്ടിക്ക് നിയോഗിക്കരുത്; ഡി.ജി.പി
ഡൂള്‍ന്യൂസ് ഡെസ്‌ക്
Saturday, 1st August 2020, 1:22 pm
തിരുവനന്തപുരം: 50 വയസിന് മുകളില്‍ പ്രായമുള്ള പൊലീസുകാരെ കൊവിഡ് ഡ്യൂട്ടിക്ക് നിയോഗിക്കരുതെന്ന് സംസ്ഥാന പൊലീസ് മേധാവ് ലോക്‌നാഥ് ബെഹ്‌റയുടെ നിര്‍ദേശം. മറ്റ് അസുഖങ്ങളുള്ള, 50 വയസിന് താഴെയുള്ള പൊലീസുകാരേയും കൊവിഡ് ഡ്യൂട്ടിയില്‍ ഇടരുതെന്നും ബെഹ്‌റ പറഞ്ഞു.
സംസ്ഥാനത്ത് പൊലീസ് ഉദ്യോഗസ്ഥര്‍ക്ക് കൊവിഡ് രോഗബാധ വര്‍ധിക്കുന്ന പശ്ചാത്തലത്തിലാണ് നിര്‍ദേശം. 50 വയസിന് മുകളിലുള്ളവരെ കൊവിഡ് ഫീല്‍ഡ് ഡ്യൂട്ടിക്കോ ക്രമസമാധാന പാലത്തിന്റെ ഭാഗമായോ വാഹനങ്ങള്‍ പരിശോധിക്കുന്നതിനോ നിയോക്കാന്‍ പാടില്ലെന്നാണ് സര്‍ക്കുലറില്‍ പറയുന്നത്.
