ന്യൂദല്‍ഹി: ദേശീയ തലത്തില്‍ ഇടത് മുന്നേറ്റം. ജാര്‍ഖണ്ഡില്‍ രണ്ട് മണ്ഡലങ്ങളിലാണ് സി.പി.ഐ (എം.എല്‍) ലിബറേഷന്‍ മുന്നേറുന്നത്. സിന്ദ്രി, നിര്‍സ എന്നീ മണ്ഡലങ്ങളിലാണ് ഇടതു പാര്‍ട്ടി ലീഡ് ചെയ്യുന്നത്.
നിര്‍സയില്‍ സി.പി.ഐ (എം.എല്‍) ലിബറേഷന്റെ അരൂപ് ചാറ്റര്‍ജി 2727 വോട്ടിന്റെ ഭൂരിപക്ഷത്തില്‍ ലീഡ് ചെയ്യുകയാണ്. 56819 വോട്ടുകളാണ് ഇതുവരെ അരൂപ് ചാറ്റര്‍ജി നേടിയത്.
65828 വോട്ടുകളുമായി ബി.ജെ.പിയുടെ താര ദേവിയാണ് സിന്ദ്രിയില്‍ രണ്ടാം സ്ഥാനത്ത്. എന്‍.സി.പി, ബി.എസ്.പി അടക്കമുള്ള പാര്‍ട്ടികളുടെ സ്ഥാനാര്‍ത്ഥികള്‍ ഉള്‍പ്പെടെ എട്ട് പേരെ പിന്തള്ളിയാണ് ചന്ദ്രാദെയോ സിന്ദ്രിയില്‍ മുന്നേറുന്നത്.
അതേസമയം മഹാരാഷ്ട്രയിലെ രണ്ട് മണ്ഡലങ്ങളില്‍ സി.പി.ഐ.എം ലീഡ് ഉയര്‍ത്തുകയാണ്. കന്‍വാന്‍, ദഹാനു എന്നീ മണ്ഡലങ്ങളിലാണ് സി.പി.ഐ.എം ലീഗ് തുടരുന്നത്.
കന്‍വാനില്‍ സി.പി.ഐ.എമ്മിന്റെ ജീവ പാണ്ഡുവാണ് മുന്നില്‍. 3978 വോട്ടിന്റെ ഭൂരിപക്ഷത്തിലാണ് അദ്ദേഹം ലീഡ് തുടരുന്നത്. ഇതുവരെ ജീവ പാണ്ഡു നേടിയത് 32664 വോട്ടുകളാണ്.
