രണ്ടാം ലോക മഹായുദ്ധത്തില്‍ മരിച്ചവരുടെ എണ്ണത്തെയും മറികടന്ന് കൊവിഡ് മരണനിരക്ക്; അമേരിക്ക വിറയ്ക്കുന്നു
ഡൂള്‍ന്യൂസ് ഡെസ്‌ക്
Tuesday, 23rd February 2021, 11:44 am
വാഷിംഗ്ടണ്‍: അമേരിക്കയില്‍ രണ്ടാം ലോക മഹായുദ്ധത്തില്‍ മരിച്ചവരുടെ എണ്ണത്തെ മറികടന്ന് കൊവിഡ് മരണനിരക്ക്. ഫെബ്രുവരി 21 വരെ അമേരിക്കല്‍ 5,00,000 പേര്‍ക്കാണ് കൊവിഡ് മൂലം ജീവന്‍ നഷ്ടപ്പെട്ടത്.
രണ്ടാം ലോകമഹായുദ്ധത്തില്‍ മരിച്ച അമേരിക്കക്കാരുടെ എണ്ണം നാലു ലക്ഷത്തി അയ്യായിരം ആയിരുന്നു. കൊറിയന്‍ യുദ്ധം, വിയറ്റ്‌നാം യുദ്ധം എന്നിവയില്‍ 58000 പേരും മരണപ്പെട്ടിരുന്നു. ഈയൊരു എണ്ണത്തെ മറികടന്നിരിക്കുകയാണ് കൊവിഡ് മരണനിരക്ക്.
നിലവില്‍ അമേരിക്കയിലെ കൊവിഡ് മരണനിരക്ക് അഞ്ചുലക്ഷവും കടന്നിരിക്കുകയാണ്. പ്രസിഡന്റ് ജോ ബൈഡന്‍ വൈറ്റ്ഹൗസില്‍ മരിച്ചവര്‍ക്കായി ആദരാഞ്ജലി അര്‍പ്പിക്കുകയും മരിച്ചവരോടുള്ള ആദരസൂചകമായി അമേരിക്കന്‍ പതാക പകുതി താഴ്ത്തി കെട്ടുകയും ചെയ്തു.
