വധശ്രമ കേസ്; ലക്ഷദ്വീപ് എം.പി മുഹമ്മദ് ഫൈസലിന് 10 വര്‍ഷം തടവ്
ഡൂള്‍ന്യൂസ് ഡെസ്‌ക്
Wednesday, 11th January 2023, 2:22 pm
കവരത്തി: വധശ്രമ കേസില്‍ ലക്ഷദ്വീപ് എം.പിയെ 10 വര്‍ഷം തടവിന് ശിക്ഷിച്ചു. മുഹമ്മദ് ഫൈസല്‍ എം.പിയെയാണ് കവരത്തി ജില്ലാ സെഷന്‍സ് കോടതി ശിക്ഷിച്ചത്. മുഹമ്മദ് ഫൈസലിന്റെ സഹോദരങ്ങള്‍ അടക്കം നാല് പേര്‍ക്കാണ് ശിക്ഷ.
32 പേരാണ് കേസിലെ പ്രതികള്‍ ഇതിലെ ആദ്യ നാല് പേര്‍ക്കാണ് ജില്ലാ സെഷന്‍സ് കോടതി തടവ് ശിക്ഷ വിധിച്ചത്. കേസിലെ രണ്ടാം പ്രതിയാണ് എംപി.
2009 ലെ തെരഞ്ഞെടുപ്പിന് ഇടയില്‍ ഉണ്ടായ സംഘര്‍ഷത്തില്‍ കോണ്‍ഗ്രസ് നേതാവും മുന്‍ കേന്ദ്രമന്ത്രിയുമായ പി.എം. സയ്യിദിന്റ മരുമകന്‍ മുഹമ്മദ് സാലിയെ ആക്രമിച്ചു എന്നാണ് കേസ്.
