സൗബിന്‍ ഷാഹിറിനെ നായകനാക്കി നവാഗതനായ സക്കറിയ സംവിധാനം ചെയ്യുന്ന സുഡാനി ഫ്രം നൈജീരിയയിലെ വീഡിയോ സോംഗിന്റെ പ്രൊമോ പുറത്തിറങ്ങി. കുറാഹ് ഫുട്ബാള്‍ സോംഗിന്റെ പ്രൊമോയാണ് പുറത്തിറങ്ങിയത്.

കേരളം ഐ.എസ്.എല്ലിന്റെ ആവേശത്തില്‍ കൊടുമ്പിരിക്കൊണ്ടിരിക്കെയാണ് കുറാഹ് സോംഗുമായി ചിത്രത്തിന്റെ അണിയറപ്രവര്‍ത്തകരെത്തിയിരിക്കുന്നത്.

മായാനദിയിലെ ഹിറ്റ് ഗാനങ്ങള്‍ക്ക് ശേഷം ഷഹബാസ് അമനും റെക്‌സ് വിജയനുമാണ് സുഡാനി ഫ്രം നൈജീരിയയിലെ ഗാനങ്ങളൊരുക്കുന്നത്. സക്കരിയ്യയും മുഹ്‌സിന്‍ പരാരിയും ആണ് ചിത്രത്തിന്റെ തിരക്കഥ.

സമീര്‍ താഹിറും ഷൈജു ഖാലിദും ചേര്‍ന്നാണ് ചിത്രം നിര്‍മ്മിക്കുന്നത്.

ഫുട്ബാളിന്റെ പശ്ചാത്തലത്തില്‍ കഥ പറയുന്ന ചിത്രത്തില്‍ മലബാറിലേക്ക് ഫുട്ബാള്‍ കളിക്കാനെത്തുന്ന ആഫ്രിക്കന്‍ വംശജനായി സാമുവല്‍ റോബിന്‍സണ്‍ എന്ന താരവും അഭിനയിക്കുന്നുണ്ട്.