‘കാപ്റ്റന്‍ രോഹിത് മത്തേത്തിക്ക് എന്റെ സലാം’ എന്നായിരുന്നു കമ്ര ട്വീറ്റ് ചെയ്തത്.
മാധ്യമ പ്രവര്‍ത്തകന്‍ അര്‍ണാബ് ഗോസ്വാമിയോട് വിമാനത്തില്‍ വെച്ച് പരിഹാസ രൂപേണ കമ്ര ചോദ്യങ്ങള്‍ ചോദിച്ചിരുന്നു. ഇതില്‍ പ്രതിഷേധിച്ച് ഇന്‍ഡിഗോ എയര്‍ലൈന്‍സ് ആറുമാസത്തേക്ക് കുനാല്‍ കമ്രയ്ക്ക് യാത്രാ നിരോധനം ഏര്‍പ്പെടുത്തുകയായിരുന്നു.
എന്നാല്‍ പൈലറ്റ് എന്ന നിലയില്‍ തന്നോട് അന്വേഷിക്കാതെ യാത്രക്കാരനെ വിലക്കിയ നടപടിക്കെതിരെ അതേ വിമാനത്തിലെ പൈലറ്റ് തന്നെ രംഗത്തെത്തുകയായിരുന്നു. സോഷ്യല്‍ മീഡിയ പോസ്റ്റുകളുടെ അടിസ്ഥാനത്തില്‍ ഒരു യാത്രക്കാരനെതിരെ നടപടിയെടുത്തതില്‍ താന്‍ നിരാശനാണെന്നും കത്തില്‍ പറയുന്നു.
ഒന്‍പതു വര്‍ഷത്തെ പൈലറ്റ് ജീവിതിത്തിനിടയില്‍ ഇതുവരെ ഇത്തരമൊരു സംഭവം താന്‍ കണ്ടിട്ടില്ലെന്നും കാപ്റ്റന്‍ പറഞ്ഞിരുന്നു.
വിമാനത്തില്‍ വെച്ച് കമ്ര വീഡിയോ എടുത്ത നടപടി ഒരിക്കലും അംഗീകരിക്കാന്‍ കഴിയാത്തതാണെന്നാണ് ഇന്‍ഡിഗോ പറഞ്ഞത്. ചൊവ്വാഴ്ച കുനാല്‍ കമ്ര പോസ്റ്റുചെയ്ത വീഡിയോയില്‍ നിങ്ങള്‍ ഒരു ഭീരുവാണോ, മാധ്യമപ്രവര്‍ത്തകനാണോ, അതോ നിങ്ങളൊരു ദേശീയവാദിയാണോ എന്ന് പ്രേക്ഷകര്‍ക്ക് അറിയണമെന്നായിരുന്നു കുനാല്‍ കമ്ര ചോദിച്ചത്.
