ഗണേഷ് കുമാറിനെതിരെ പടയൊരുക്കം; കേരള കോണ്‍ഗ്രസ് ബി പിളര്‍പ്പിലേക്ക്; പാര്‍ട്ടി വിടുന്നവര്‍ യു.ഡി.എഫിലേക്ക്
ഡൂള്‍ന്യൂസ് ഡെസ്‌ക്
Tuesday, 16th February 2021, 10:57 am
കൊല്ലം: കേരള കോണ്‍ഗ്രസ് ബി പിളര്‍പ്പിലേക്ക്.പാര്‍ട്ടിയിലെ നിലവിലെ പത്ത് ജില്ലാ പ്രസിഡന്റുമാര്‍ ഉള്‍പ്പടെ ഒരു വിഭാഗം പാര്‍ട്ടിയില്‍ നിന്ന് വിടുകയും യു.ഡി.എഫിലേക്ക് ചേക്കേറുമെന്നുമാണ് അറിയിച്ചിരിക്കുന്നത്.
കെ.ബി ഗണേഷ് കുമാര്‍ എം.എല്‍.എയോട് ഉള്ള അഭിപ്രായ വ്യത്യാസങ്ങളെ തുടര്‍ന്നാണ് നടപടിയെന്നാണ് സൂചന. നിലവില്‍ പാര്‍ട്ടി ചെയര്‍മാന്‍ ആയ ആര്‍.ബാലകൃഷ്ണപിള്ള ശാരീരിക അവശതകള്‍ മൂലം വിശ്രമത്തിലാണ്.
ഗണേഷ് കുമാറാണ് പാര്‍ട്ടിയെ നിലവില്‍ നിയന്ത്രിക്കുന്നതെന്നും എം.എല്‍.എയുടെ വിശ്വസ്തര്‍ക്കു മാത്രമാണ് നിലവില്‍ പാര്‍ട്ടിയില്‍ പരിഗണന ലഭിക്കുന്നതെന്നുമാണ് പാര്‍ട്ടി വിടുന്ന പ്രവര്‍ത്തകര്‍ ഉന്നയിക്കുന്ന പരാതി.
