മുംബൈ: മഹാരാഷ്ട്രാ രാഷ്ട്രീയത്തിലെ ഗതിമാറ്റങ്ങള്‍ കൃത്യമായി പ്രവചിച്ചുകൊണ്ട് ശ്രദ്ധാകേന്ദ്രമായിക്കൊണ്ടിരിക്കുന്ന കട്ടാന്യൂസിനെക്കുറിച്ചാണ് സമൂഹ മാധ്യമങ്ങളില്‍ ഇപ്പോള്‍ ചര്‍ച്ച.
എന്താണ് കട്ടാ ന്യൂസ്? ആരാണ് കട്ടാ ന്യൂസിനു പിന്നില്‍?
നവംബര്‍ 18 നാണ് @katta_news എന്ന ട്വിറ്റര്‍ ഹാന്‍ഡില്‍ തുടങ്ങിയത്.
രണ്ട് ദിവസത്തിന് ശേഷം, അജിത് പവാര്‍ എന്‍.സി.പി യെ പിളര്‍ത്തി ബി.ജെ.പി.യുമായി കൈകോര്‍ത്ത് സര്‍ക്കാര്‍ രൂപീകരിക്കാന്‍ സാധ്യതയുണ്ടെന്ന വാര്‍ത്ത നല്‍കി.
Serious & breaking: @AjitPawarSpeaks is ready split the party with 35 MLAs & may joint hand with @BJP4Maharashtra & form the government. @PawarSpeaks having tough time to convince his nephew @AjitPawarSpeaks so meeting Modi to not to entertain @AjitPawarSpeaks
— KattaNews (@katta_news) November 20, 2019
വാര്‍ത്ത നല്‍കി മൂന്നാംനാള്‍ ദേവേന്ദ്ര ഫഡ്നാവിസ് മഹാരാഷ്ട്ര മുഖ്യമന്ത്രിയായി സത്യപ്രതിജ്ഞ ചെയ്തു. മഹാരാഷ്ട്ര രാഷ്ട്രീയത്തെക്കുറിച്ചുള്ള പോര്‍ട്ടലിന്റെ റിപ്പോര്‍ട്ടിംഗിനെ അഭിനന്ദിച്ചുകൊണ്ട് നിരവധി പ്രമുഖരും പത്രപ്രവര്‍ത്തകരുമാണ് രംഗത്തെത്തിയിരിക്കുന്നത്.
നവംബര്‍ 24 ന് കട്ട ന്യൂസ് മറ്റൊരു വാര്‍ത്ത നല്‍കി – ‘70,000 കോടി രൂപയുടെ ജലസേചന കുംഭകോണക്കേസില്‍ ഉള്‍പ്പെട്ട അജിത് പവാറിന് അഴിമതി വിരുദ്ധ ബ്യൂറോ ക്ലീന്‍ ചിറ്റ് നല്‍കുന്നു.” എന്ന വാര്‍ത്ത. നിമിഷങ്ങള്‍ക്കകം മാധ്യമങ്ങളില്‍ വാര്‍ത്ത നിറഞ്ഞു. അവസാനിപ്പിച്ച കേസുകള്‍ ഉപാധികളോടെയാണെന്നും അവ വീണ്ടും തുറക്കാമെന്നും എ.എന്‍.ഐ. ട്വീറ്റ് ചെയ്തു.
മുംബൈ ആസ്ഥാനമായുള്ള പത്രപ്രവര്‍ത്തകന്‍ സുധീര്‍ സൂര്യവംഷിയാണ് പുതുതായി രൂപീകരിച്ച പ്ലാറ്റ്ഫോമിന് പിന്നില്‍. സാമ്പത്തിക പ്രതിസന്ധിമൂലം ഡി.എന്‍.എയുടെ പ്രിന്റ് പതിപ്പ് നിര്‍ത്തുംവരെ ഡി.എന്‍.എയിലായിരുന്നു സുധീര്‍.
My compliments to @katta_news for this newsbreak of the day.
This is what journalism must do: bringing to light something that someone in power would like to keep in dark. https://t.co/jLrZlkP5JZ
— Yogendra Yadav (@_YogendraYadav) November 25, 2019
”ഡി.എന്‍.എ അടച്ചതിനുശേഷമാണ് ഇത്തരത്തില്‍ ഒരു ആശയം എന്റെ മനസ്സില്‍ ഉണ്ടായത്. അച്ചടിക്ക് ഭാവിയില്ല. ഈ മേഖല സാവധാനത്തില്‍ നശിച്ചുകൊണ്ടിരിക്കുകയാണ്, അതുകൊണ്ടുതന്നെ ഒരു മാധ്യമമായി അച്ചടിയില്‍ തുടരുന്നതിനുപകരം, എന്തുകൊണ്ടാണ് പകരം ഒരു പോര്‍ട്ടലോ വെബ്സൈറ്റോ തുടങ്ങിക്കൂടെ എന്ന ചിന്ത വന്നത് ” അദ്ദേഹം ആള്‍ട്ട് ന്യൂസിനോട് പറഞ്ഞു.
‘കട്ട’ എന്ന മറാത്തി പദത്തിന്റെ അര്‍ത്ഥം വൈകുന്നേരങ്ങളില്‍ അല്ലെങ്കില്‍ ഒഴിവു വേളകളില്‍ ലോകത്തും രാജ്യത്തും തങ്ങളുടെ ഗ്രാമത്തിലുമൊക്കെ നിന്നുള്ള വാര്‍ത്തകള്‍ ചര്‍ച്ചചെയ്യാന്‍ പൊതു സ്ഥലങ്ങളില്‍ ആളുകള്‍ ഒത്തുകൂടുക എന്നാണ്.
