'സര്‍ക്കാര്‍ ഒരുതെറ്റ് ചെയ്തു, അവര്‍ തെരഞ്ഞെടുത്തിരിക്കുന്നത് ബുദ്ധിയും അറിവുമുള്ള ശത്രുവിനെയാണ്': കനയ്യകുമാര്‍
ഡൂള്‍ന്യൂസ് ഡെസ്‌ക്
Wednesday, 8th January 2020, 8:11 am
ന്യൂദല്‍ഹി: ജെ.എന്‍.യു കാമ്പസിലെ ആക്രമണത്തില്‍ കേന്ദ്രസര്‍ക്കാറിനെ വിമര്‍ശിച്ച് സി.പി.ഐ നേതാവും ജെ.എന്‍.യു സ്റ്റുഡന്റ്‌സ് യൂണിയന്‍ മുന്‍ പ്രസിഡന്റുമായിരുന്ന കനയ്യ കുമാര്‍.
കേന്ദ്ര സര്‍ക്കാര്‍ തെരഞ്ഞെടുത്ത ശത്രു തെറ്റിപ്പോയെന്നും ബുദ്ധിയും അറിവുമുള്ള ശത്രുവിനെയാണ് അവര്‍ തെരഞ്ഞെടുത്തിരിക്കുന്നതെന്നും അദ്ദേഹം പറഞ്ഞു.
തന്നെ ‘തുക്‌ഡെ തുക്‌ഡെ’ സംഘത്തിന്റെ നേതാവ് എന്ന് വിളിക്കുന്നത് ഒരു അംഗീകാരമായി കാണുന്നുവെന്നും അദ്ദേഹം കൂട്ടിച്ചേര്‍ത്തു.
‘ജെ.എന്‍.യു എല്ലായ്‌പ്പോഴും റിപ്പോര്‍ട്ട് പോലും ചെയ്യപ്പെടാത്ത പ്രശ്‌നങ്ങളെക്കുറിച്ചാണ് സംസാരിക്കുന്നത്. സര്‍ക്കാര്‍ ഒരു തെറ്റ് ചെയ്തു. അവര്‍ ബുദ്ധിയും അറിവുമുള്ള ശത്രുവിനെയാണ് തിരഞ്ഞെടുത്തിരിക്കുന്നത്.”, കനയ്യ പറഞ്ഞു.
