'ജോസഫിന്റെ രാഷ്ട്രീയ വഞ്ചനയെക്കുറിച്ച് ഒരക്ഷരം യു.ഡി.എഫ് മിണ്ടിയില്ല', കെ.എം മാണിയുടെ ആത്മാവിനെ അപമാനിച്ചുവെന്നും ജോസ് കെ മാണി
ഡൂള്‍ന്യൂസ് ഡെസ്‌ക്
Tuesday, 8th September 2020, 5:41 pm
തിരുവനന്തപുരം:ഒരിക്കലും യു.ഡി.എഫിനെ ചതിച്ചിട്ടില്ലെന്ന് ജോസ് കെ മാണി. ചതി കേരള കോണ്‍ഗ്രസിന്റെ സംസ്‌കാരമല്ലെന്നും തങ്ങളെ പുറത്താക്കിയതാണ് അല്ലാതെ പുറത്തുപോയതല്ലെന്നും ജോസ്.കെ മാണി പറഞ്ഞു.
എല്ലാ ധാരണയും പാലിച്ചിട്ടും കേരള കോണ്‍ഗ്രസിനെ പുറത്താക്കിയെന്നും ജോസ് കെ മാണി പറഞ്ഞു. ജോസഫിന്റെ രാഷ്ട്രീയ വഞ്ചനയെക്കുറിച്ച് ഒരക്ഷരം യു.ഡി.എഫ് മിണ്ടിയില്ല. കേരള കോണ്‍ഗ്രസിനെ ഹൈജാക്ക് ചെയ്യാന്‍ ജോസഫ് ശ്രമിച്ചു. ജോസ് പറഞ്ഞു.
കെ.എം മാണിയുടെ ആത്മാവിനെ അപമാനിക്കുകയായിരുന്നുവെന്നും, പൈതൃകം ആര്‍ക്കെന്ന സര്‍ട്ടിഫിക്കറ്റ് വേറെ ആരും നല്‍കേണ്ടതില്ലെന്നും ജോസ് കെ മാണി കൂട്ടിച്ചേര്‍ത്തു.
