എന്റെ ചെറുപ്പം എന്റെ മകള്‍ ചെയ്തു, അവളുടെ ആദ്യത്തെ കാല്‍വെയ്പ്പ്; സന്തോഷം പങ്കുവെച്ച് ജലജ
എന്റര്‍ടെയിന്‍മെന്റ് ഡെസ്‌ക്
Saturday, 17th July 2021, 8:18 pm
കൊച്ചി: നീണ്ട ഇടവേളയ്ക്ക് ശേഷം നടി ജലജയുടെ തിരിച്ചുവരവ് രേഖപ്പെടുത്തിയ ചിത്രമാണ് മഹേഷ് നാരായണന്‍ സംവിധാനം ചെയ്ത മാലിക്. ചിത്രത്തില്‍ ജലജയുടെ ചെറുപ്പം അവതരിപ്പിച്ചത് മകളായ ദേവിയാണ്.
തിരിച്ചുവരവിനൊപ്പം സിനിമാലോകത്തെ മകളുടെ അരങ്ങേറ്റവും തനിക്ക് ഇരട്ടി സന്തോഷം നല്‍കിയെന്ന് പറയുകയാണ് ജലജ. മീഡിയവണ്ണിനോടായിരുന്നു ജലജയുടെ പ്രതികരണം.
‘ഈ പടത്തില്‍ എന്റെ ചെറുപ്പം അവതരിപ്പിച്ചിരിക്കുന്നത് എന്റെ മകളാണ്. അവളുടെ ആദ്യത്തെ കാല്‍വെയ്പ്പ്. അത്രയും മികച്ച ടീമിനോടൊപ്പം മികച്ച ആര്‍ട്ടിസ്റ്റുകളോടൊപ്പം അവള്‍ സിനിമാലോകത്ത് കാല്‍വെച്ചത് തന്നെ ഇരട്ടി സന്തോഷം നല്‍കുന്നു,’ ജലജ പറഞ്ഞു.
ചെറുപ്രായത്തില്‍ ഭര്‍ത്താവിനെ നഷ്ടപ്പെട്ട ശേഷം രണ്ട് മക്കളെയും സ്വന്തം അധ്വാനത്തിലൂടെ വളര്‍ത്തിക്കൊണ്ടുവരുന്ന അധ്യാപികയുടെ കഥാപാത്രമാണ് മാലികില്‍ ജലജയുടേത്.
