മോഹന്‍ലാല്‍ ആല്ല ജയസൂര്യ; അജഗജാന്തരത്തിന് ശേഷം ടിനു പാപ്പച്ചന്‍ ചിത്രത്തില്‍ നായകനാവാന്‍ ജയസൂര്യ, സൂചന നല്‍കി ഇന്‍സ്റ്റഗ്രാം പോസ്റ്റ്
എന്റര്‍ടെയിന്‍മെന്റ് ഡെസ്‌ക്
Tuesday, 4th January 2022, 6:45 pm
കൊച്ചി: അജഗജാന്തരം എന്ന ചിത്രത്തിന് ശേഷം ടിനു പാപ്പച്ചന്‍ സംവിധാനം ചെയ്യുന്ന പുതിയ ചിത്രത്തില്‍ ജയസൂര്യ നായകനാവുന്നെന്ന് റിപ്പോര്‍ട്ട്. ജയസൂര്യയും ടിനുപാപ്പച്ചനും ഒന്നിച്ചുള്ള ചിത്രം ഇരുവരും ഇന്‍സ്റ്റഗ്രാമില്‍ പങ്കുവെച്ചതോടെയാണ് ഇക്കാര്യം ആരാധകര്‍ക്കിടയില്‍ ചര്‍ച്ചയായത്.
മോഹന്‍ലാലിനെ നായകനാക്കി ടിനു പാപ്പച്ചന്‍ ചിത്രം ഒരുങ്ങുന്നുണ്ടെന്ന് നേരത്തെ റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ അടുത്ത ചിത്രം ജയസൂര്യയ്‌ക്കൊപ്പമാണെന്നാണ് ചിത്രം തരുന്ന സൂചന.
സൂണ്‍ എന്ന അടികുറിപ്പോടെയാണ് ജയസൂര്യക്കൊപ്പമുള്ള ചിത്രം ടിനു ഇന്‍സ്റ്റഗ്രാമില്‍ പങ്കുവെച്ചത്. ഞങ്ങളുടെ പ്രോജക്ടിന് ഒരു രൂപമായി വരുന്നതില്‍ വളരെ ആവേശത്തിലാണ്. ഈ ടീമിനൊപ്പം വര്‍ക്ക് ചെയ്യാന്‍ കാത്തിരിക്കുന്നെന്നും ജയസൂര്യ ഇന്‍സ്റ്റയില്‍ കുറിച്ചു.
