ജെനിനില്‍ പരിക്കേറ്റ ഫലസ്തീനികളെ കൊണ്ടുപോവുന്ന ആംബുലന്‍സുകള്‍ തടഞ്ഞ് ഇസ്രഈല്‍ സൈന്യം
ഡൂള്‍ന്യൂസ് ഡെസ്‌ക്
Thursday, 14th December 2023, 11:47 pm
ഗസ: ജെനിന്‍ നഗരത്തിലെ റെയ്ഡില്‍ പരിക്കേറ്റ ഫലസ്തീനികളെ ആശുപത്രികളിലേക്ക് കൊണ്ടുപോകാനുള്ള ആംബുലന്‍സുകളുടെ പ്രവേശനം തടഞ്ഞ് ഇസ്രഈല്‍ സൈന്യം. ഇത്തരത്തില്‍ ആരോഗ്യ മേഖലയില്‍ സൈന്യം തടസം സൃഷ്ടിക്കാന്‍ തുടങ്ങിയിട്ട് മൂന്നാം ദിവസമായെന്നാണ് റിപ്പോര്‍ട്ട്.
ജെനിനിലും അഭയാര്‍ത്ഥി ക്യാമ്പിലും ഇസ്രഈല്‍ സൈന്യം നടത്തിയ റെയ്ഡില്‍ കുറഞ്ഞത് 12 പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിട്ടുണ്ടെന്ന് റിപ്പോര്‍ട്ട് വ്യക്തമാക്കുന്നു. സൈന്യം നഗരത്തിലെ ആശുപത്രികള്‍ ഉപരോധിക്കുകയും ആളുകളെ ആശുപത്രികളുടെ അകത്തേക്കും പുറത്തേക്കും കടക്കുന്നതില്‍ തടസം ഉണ്ടാക്കുന്നുവെന്നും റിപ്പോര്‍ട്ട് ചൂണ്ടിക്കാട്ടി.
