'ആയുധം കയ്യിലേന്തൂ'; തെരഞ്ഞെടുപ്പ് ദിനത്തില്‍ തോക്ക് കൈവശം വെക്കാന്‍ ആഹ്വാനം ചെയ്ത് ഇസ്രഈല്‍ പൊലീസ്
ഡൂള്‍ന്യൂസ് ഡെസ്‌ക്
Tuesday, 1st November 2022, 3:50 pm
ടെല്‍ അവീവ്: തെരഞ്ഞെടുപ്പ് ദിവസം തോക്കേന്താന്‍ പൗരന്മാരോട് ആഹ്വാനം ചെയ്ത് ഇസ്രഈല്‍ പൊലീസ്.
പുതിയ പ്രധാനമന്ത്രിയെ തെരഞ്ഞെടുക്കുന്നതിനുള്ള ഇലക്ഷന്‍ ചൊവ്വാഴ്ച നടക്കുന്ന സാഹചര്യത്തിലാണ് ഇസ്രഈല്‍ പൊലീസിന്റെ ഈ ആഹ്വാനം.
തെരഞ്ഞെടുപ്പ് സമയത്തെ അക്രമ സാധ്യത മുന്നില്‍കണ്ട് അധിനിവേശ വെസ്റ്റ് ബാങ്കില്‍ ഇസ്രഈല്‍ കൂടുതല്‍ സൈനികരെ വിന്യസിച്ചിട്ടുണ്ടെന്നും അതിനാല്‍ തെരഞ്ഞെടുപ്പ് ദിവസം ഇസ്രഈല്‍ കുടിയേറ്റക്കാരും പൗരന്മാരും തോക്കുകള്‍ കൈവശം വെക്കണമെന്നുമാണ് പൊലീസ് ആവശ്യപ്പെട്ടതെന്ന് പബ്ലിക് ബ്രോഡ്കാസ്റ്റര്‍ കാന്‍ (Kan) റിപ്പോര്‍ട്ട് ചെയ്തു.
തെരഞ്ഞെടുപ്പ് നടക്കുന്ന ദിവസമായ ചൊവ്വാഴ്ചയും സമീപ ഭാവിയിലും, ലൈസന്‍സുള്ള, നന്നായി പരിശീലനം നേടിയ തോക്കുടമകള്‍ ആയുധം കൈവശം വെക്കണമെന്നാണ് ഇസ്രഈലി പൊലീസ് ഞായറാഴ്ച പ്രതികരിച്ചത്.
