ഈ ബൗളര്‍മാരെ നെറ്റ്‌സില്‍ നേരിടാന്‍ പ്രയാസം: ഇഷന്‍ കിഷന്‍
സ്പോര്‍ട്സ് ഡെസ്‌ക്
Wednesday, 2nd June 2021, 7:19 pm
മുംബൈ: ഐ.പി.എല്‍ 2020 സീസണിലൂടെ ആരാധകരുടെ ശ്രദ്ധ നേടിയ താരമാണ് മുംബൈ ഇന്ത്യന്‍സിന്റെ ഇഷന്‍ കിഷന്‍. കഴിഞ്ഞ സീസണില്‍ 14 കളിയില്‍ നിന്ന് 516 റണ്‍സും ഇഷന്‍ നേടിയിരുന്നു.
ഇതോടെ ഇന്ത്യന്‍ ടീമിലേക്കും താരത്തിനെത്തായി. പാതിവഴിയില്‍ നിര്‍ത്തിയ 2021 സീസണ്‍ ഐ.പി.എല്ലില്‍ അഞ്ച് കളികളില്‍ നിന്ന് 73 റണ്‍സാണ് ഇഷന്‍ നേടിയിരിക്കുന്നത്.
ഒരുപിടി മികച്ച താരങ്ങളുള്ള മുംബൈ ഇന്ത്യന്‍സില്‍ നെറ്റ്‌സില്‍ നേരിടാന്‍ ഏറ്റവും കൂടുതല്‍ ബുദ്ധിമുട്ടുള്ള താരങ്ങളാരാണെന്ന് പറയുകയാണ് ഇഷന്‍.
ജസ്പ്രീത് ബുംറയേയും ക്രുണാള്‍ പാണ്ഡ്യയേയും നെറ്റ്‌സില്‍ നേരിടുന്നത് ശ്രമകരമാണെന്നാണ് ഇഷന്‍ പറയുന്നത്. ക്രുണാള്‍ പാണ്ഡ്യ തന്ത്രപരമായി സ്ലോ ബോള്‍ ആണ് എറിയുന്നതെന്നും അത് ജഡ്ജ് ചെയ്യാന്‍ പ്രയാസമാണെന്നും ഇഷന്‍ പറഞ്ഞു.
