”അമേരിക്കന്‍ ഭരണകൂടം ഒരു മാഫിയാ ഭരണകൂടമാണ്. രാഷ്ട്രീയപരമായും സാമ്പത്തികപരമായും അങ്ങനെ എല്ലാ മേഖലകളിലും മാഫിയകളാണ് ആ രാജ്യം നിയന്ത്രിക്കുന്നതും പ്രസിഡന്റിനെ അധികാരത്തിലെത്തിക്കുന്നതും.
ലോകത്ത് പ്രശ്‌നങ്ങളുണ്ടാക്കി സ്വന്തം ലാഭം വര്‍ധിപ്പിക്കാനാണ് അമേരിക്കയുടെ ശ്രമം,” ആയത്തൊല്ല ട്വീറ്റ് ചെയ്തു.
ഉക്രൈന്‍ യുദ്ധം അവസാനിക്കണമെന്നാണ് ഇറാന്റെ നിലപാടെന്നും എന്നാല്‍ ഉക്രൈന്‍ അമേരിക്കയുടെ അടിച്ചമര്‍ത്തല്‍-വിവേചന പോളിസികളുടെ ഇരയാണെന്നും ഇറാന്റെ പരമോന്നത നേതാവ് കൂട്ടിച്ചേര്‍ത്തു.
The US regime is a mafia regime. Political, economic, & all sorts of mafias control their country and bring presidents into power. They create crises in the world to maximize their profits.
”ഉക്രൈനിലെ യുദ്ധം അവസാനിപ്പിക്കണമെന്നാണ് ഇറാന്റെ നിലപാട്. എന്നാല്‍ മൂലകാരണം മനസിലാക്കിയാലേ ഏത് പ്രശ്‌നത്തിനും പരിഹാരം കാണാന്‍ കഴിയുകയുള്ളൂ. അമേരിക്കന്‍ പോളിസികളാണ് ഉക്രൈന്‍ പ്രശ്‌നത്തിലെ മൂലകാരണം.
Iran supports ending the war in #Ukraine. We want the war to be ended there, but the solution to any crisis is only possible if the root cause is identified. The root of the crisis in Ukraine are the US policies that create crisis, & Ukraine is a victim of these policies.
ആധുനികമായ അവഗണനയുടെയും വേര്‍തിരിവിന്റെയും വിവേചനത്തിന്റെയും അടിച്ചമര്‍ത്തലിന്റെയും ലോകത്ത് വിവിധ തരത്തില്‍ അപകടങ്ങളുണ്ടാക്കുന്നതിന്റെയും നേര്‍ചിത്രമാണ് അമേരിക്ക.
ലോകത്ത് പ്രശ്‌നങ്ങളുണ്ടാക്കുക, അതിനെ വളര്‍ത്തിക്കൊണ്ടിരിക്കുക, അത് വിറ്റ് ജീവിക്കുക എന്നതാണ് പ്രാഥമികമായി അമേരിക്കന്‍ ഭരണകൂടം ചെയ്തുകൊണ്ടിരിക്കുന്നത്. അമേരിക്കയുടെ ഈ പോളിസിയുടെ മറ്റൊരു ഇരയാണ് ഉക്രൈന്‍.
The US is a manifestation of modern ignorance, discrimination, oppression & creating crises in the world today. Basically, the US regime creates crises, lives off of crises & feeds on various crises in the world. #Ukraine is another victim of this policy.
ഉക്രൈനിന്റെ ഇപ്പോഴത്തെ അവസ്ഥ രണ്ട് പാഠങ്ങളാണ് നല്‍കുന്നത്. ഒന്ന്, അമേരിക്കയെയും യൂറോപ്പിനെയും ആശ്രയിച്ച് കഴിയുന്ന സര്‍ക്കാരുകള്‍ ഒരുകാര്യം മനസിലാക്കണം, അവര്‍ക്ക് ലഭിക്കുന്ന പിന്തുണ വെറും മായയാണ് എന്ന്. അത് യാഥാര്‍ത്ഥ്യമല്ല.
ഇന്നലത്തെ അഫ്ഗാനിസ്ഥാനാണ് ഇന്നത്തെ ഉക്രൈന്‍. രണ്ട് രാജ്യങ്ങളിലെയും പ്രസിഡന്റുമാര്‍ പറഞ്ഞിരുന്നത് അവര്‍ അമേരിക്കയെയും മറ്റ് പാശ്ചാത്യ സര്‍ക്കാരുകളെയും വിശ്വസിച്ചു, എന്നാല്‍ ഒടുക്കം ഒറ്റപ്പെട്ടു, എന്നാണ്.
#Ukraine’s situation has two important lessons. Governments that rely on the US & Europe should know their support is a #mirage and not real. Today’s Ukraine is yesterday’s #Afghanistan. Both countries’ presidents said they relied on US & Western govts but were left alone. 1/2
ജനങ്ങളാണ് സര്‍ക്കാരുകളുടെ ഏറ്റവും വലിയ പിന്തുണ. ഉക്രൈനില്‍ നിന്നുള്ള രണ്ടാമത്തെ പാഠം ഇതാണ്. ഉക്രൈനിലെ ജനങ്ങള്‍ വിഷയത്തില്‍ ഇടപെട്ടിരുന്നെങ്കില്‍ അവിടത്തെ സര്‍ക്കാര്‍ ഈ അവസ്ഥയിലാകുമായിരുന്നില്ല.
ഉക്രൈനെ ഇന്നത്തെ അവസ്ഥയിലേക്ക് വലിച്ചിഴച്ചത് അമേരിക്കയാണ്. ഉക്രൈനിന്റെ ആഭ്യന്തര വിഷയങ്ങളില്‍ ഇടപെട്ടും, വര്‍ണവിപ്ലവങ്ങള്‍ സൃഷ്ടിച്ചും ഒരു സര്‍ക്കാരിനെ അട്ടിമറിച്ച് മറ്റൊന്നിനെ അധികാരത്തില്‍ കയറ്റിയും ഇന്നത്തെ അവസ്ഥയിലേക്ക് ഉക്രൈനെ എത്തിച്ചു,” കഴിഞ്ഞദിവസം പോസ്റ്റ് ചെയ്ത വിവിധ ട്വീറ്റുകളില്‍ ഖമനയി പറഞ്ഞു.
The US dragged #Ukraine to where it is now. By interfering in Ukraine’s internal affairs, creating color revolutions and toppling one government and putting another in power, the US dragged Ukraine into this situation.
ഉക്രൈന്‍ നഗരമായ കാര്‍കീവില്‍ കഴിഞ്ഞദിവസം നടന്ന ഷെല്ലാക്രമണത്തില്‍ കര്‍ണാടക സ്വദേശിയായ മെഡിക്കല്‍ വിദ്യാര്‍ത്ഥി കൊല്ലപ്പെട്ടിരുന്നു. ഇതോടെ ഇന്ത്യക്കാരെ ഉക്രൈനില്‍ നിന്നും ഒഴിപ്പിക്കുന്നതടക്കമുള്ള കാര്യങ്ങള്‍ കേന്ദ്രസര്‍ക്കാര്‍ കൂടുതല്‍ ഗൗരവമായി എടുക്കേണ്ടതിനെക്കുറിച്ച് പ്രതികരണങ്ങളും പുറത്തുവരുന്നുണ്ട്.
Content Highlight: Iran supreme leader Ayatollah sayyid ali khamenei about Ukraine isuue and criticise America, Europe, western countries
