ഐ.പി.എല്‍ 2024ലെ 41ാം മത്സരത്തില്‍ സണ്‍റൈസേഴ്‌സിനെ അവരുടെ തട്ടകത്തിലെത്തി നേരിടുകയാണ് റോയല്‍ ചലഞ്ചേഴ്‌സ് ബെംഗളൂരു. ഉപ്പലിലെ രാജീവ് ഗാന്ധി അന്താരാഷ്ട്ര സ്റ്റേഡിയത്തില്‍ നടക്കുന്ന മത്സരത്തില്‍ ടോസ് നേടിയ സന്ദര്‍ശകര്‍ ബാറ്റിങ് തെരഞ്ഞെടുക്കുകയായിരുന്നു.
ആദ്യം ബാറ്റ് ചെയ്ത ആര്‍.സി.ബി നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 206 റണ്‍സ് നേടി. വിരാട് കോഹ്‌ലിയുടെയും രജത് പാടിദാറിന്റെയും അര്‍ധ സെഞ്ച്വറി കരുത്തിലാണ് ആര്‍.സി.ബി മികച്ച സ്‌കോര്‍ നേടിയത്.
The ball wasn’t coming on easily towards the later half of our innings and we have an extra spinner tonight!
ഇതിന് പുറമെ ഈ സീസണില്‍ മിഡില്‍ ഓര്‍ഡറില്‍ ഏറ്റവും മോശം സ്‌ട്രൈക്ക് റേറ്റുള്ള ബാറ്റര്‍മാരുടെ പട്ടികയില്‍ രണ്ടാം സ്ഥാനത്തും വിരാടിന്റെ പേരെഴുതിച്ചേര്‍ക്കപ്പെട്ടു.
ഐ.പി.എല്‍ 2024ലെ മിഡില്‍ ഓവറുകളില്‍ ഏറ്റവും മോശം സ്‌ട്രൈക്ക് റേറ്റ് (മിനിമം 100 റണ്‍സ്)
(താരം – സ്‌ട്രൈക്ക് റേറ്റ് എന്നീ ക്രമത്തില്‍)
ശ്രേയസ് അയ്യര്‍ – 119.09
വിരാട് കോഹ് ലി – 123.28*
ഏയ്ഡന്‍ മര്‍ക്രം – 126.74
സായ് സുദര്‍ശന്‍ – 130.49
കെ.എല്‍. രാഹുല്‍ – 133.33
ഋതുരാജ് ഗെയ്ക്വാദ് – 136.11
അതേസമയം, ആര്‍.സി.ബി ഉയര്‍ത്തിയ 207 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ ഹൈദരാബാദിന് പവര്‍പ്ലേയില്‍ തന്നെ നാല് വിക്കറ്റ് നഷ്ടമായിരിക്കുകയാണ്.
നിലവില്‍ ആറ് ഓവര്‍ പിന്നിടുമ്പോള്‍ നാല് വിക്കറ്റിന് 64 എന്ന നിലയിലാണ് സണ്‍റൈസേഴ്‌സ്. രണ്ട് പന്തില്‍ മൂന്ന് റണ്‍സുമായി ഷഹബാസ് അഹമ്മദും എട്ട് പന്തില്‍ പത്ത് റണ്‍സുമായി നിതീഷ് കുമാര്‍ റെഡ്ഡിയുമാണ് ക്രീസില്‍.
