ഡൂള്‍ന്യൂസ് ഡെസ്‌ക്4 min
ഐ.പി.എല്‍ 2024ലെ 54ാം മത്സരത്തില്‍ കൊല്‍ക്കത്ത നൈറ്റ് റൈഡേഴ്സ് ലഖ്നൗ സൂപ്പര്‍ ജയന്റ്സിനെ നേരിടുകയാണ്. ലഖ്നൗവിന്റെ തട്ടകമായ എകാന സ്പോര്ട്സ് സിറ്റിയിലാണ് മത്സരം അരങ്ങേറുന്നത്.
നേരത്തെ ടോസ് നേടിയ ലഖ്നൗ എതിരാളികളെ ബാറ്റിങ്ങിനയച്ചു.
മികച്ച തുടക്കമാണ് കൊല്‍ക്കത്തക്ക് ഓപ്പണര്‍മാര്‍ സമ്മാനിച്ചത്. മുമ്പ് നടന്ന മത്സരങ്ങളുടെ റിപ്പീറ്റെന്ന പോലെ സുനില്‍ നരെയ്‌നും ഫില്‍ സോള്‍ട്ടും തകര്‍ത്തടിച്ചു. മത്സരത്തിലെ ആദ്യ പന്ത് മുതല്‍ക്ക് തന്നെ സോള്‍ട്ടും നരെയ്‌നും നയം വ്യക്തമാക്കി.
Jalwa hai yahaan Salt aur Sunny ka! 💥🤌
— KolkataKnightRiders (@KKRiders) May 5, 2024
പവര്‍പ്ലേ അവസാനിക്കുമ്പോള്‍ ഒരു വിക്കറ്റ് നഷ്ടത്തില്‍ 70 റണ്‍സാണ് കെ.കെ.ആര്‍ നേടിയത്.
14 പന്തില്‍ 32 റണ്‍സടിച്ച ഫില്‍ സോള്‍ട്ടിന്റെ വിക്കറ്റാണ് ടീമിന് ആദ്യം നഷ്ടമായത്. നവീന്‍ ഉള്‍ ഹഖ് എറിഞ്ഞ അഞ്ചാം ഓവറിലെ രണ്ടാം പന്തില്‍ കെ.എല്‍. രാഹുലിന് ക്യാച്ച് നല്‍കിയാണ് സോള്‍ട്ട് മടങ്ങിയത്.
എന്നാല്‍ പുറത്താകുന്നതിന് മുമ്പ്, ആദ്യ ഓവറില്‍ തന്നെ സോള്‍ട്ട് ഒരു റെക്കോഡും സ്വന്തമാക്കിയിരുന്നു. സീസണില്‍ ആദ്യ ഓവറില്‍ നിന്നുമായി ഏറ്റവുമധികം റണ്‍സ് നേടുന്ന താരങ്ങളുടെ പട്ടികയില്‍ രണ്ടാം സ്ഥാനത്തേക്കുയര്‍ന്നാണ് സോള്‍ട്ട് റെക്കോഡിട്ടത്.
Salt Super 4s – 5️⃣0️⃣ & counting! 🫡 pic.twitter.com/ZsX7kNyHX1
— KolkataKnightRiders (@KKRiders) May 5, 2024
ഇന്നിങ്‌സിലെ ആദ്യ പന്തില്‍ മാര്‍കസ് സ്റ്റോയ്‌നിസിനെ ബൗണ്ടറി കടത്തിയാണ് താരം തുടങ്ങിയത്. രണ്ടാം പന്ത് ഡോട്ട് ആയെങ്കിലും മൂന്നാം പന്തില്‍ മറ്റൊരു ബൗണ്ടറിയും താരം നേടി. നാലാം പന്തില്‍ സിംഗിള്‍ നേടിയ സോള്‍ട്ട് സ്‌ട്രൈക്ക് നരെയ്ന് കൈമാറി. ശേഷിക്കുന്ന രണ്ട് പന്തില്‍ നിന്നും ഒരു റണ്‍സാണ് പിറന്നത്.
ആദ്യ ഓവറില്‍ നിന്നും ഒമ്പത് റണ്‍സ് കണ്ടെത്തിയതോടെയാണ് സോള്‍ട്ട് രണ്ടാം സ്ഥാനത്തേക്കുയര്‍ന്നത്.
ഐ.പി.എല്‍ 2024ല്‍ ആദ്യ ഓവറില്‍ നിന്നും ഏറ്റവുമധികം റണ്‍സ് നേടിയ താരങ്ങള്‍
(താരം – ടീം – റണ്‍സ് – സ്‌ട്രൈക്ക് റേറ്റ് എന്ന ക്രമത്തില്‍)
വിരാട് കോഹ്‌ലി – റോയല്‍ ചലഞ്ചേഴ്‌സ് ബെംഗളൂരു – 67 – 176
ഫില്‍ സോള്‍ട്ട് – കൊല്‍ക്കത്ത നൈറ്റ് റൈഡേഴ്സ് – 66 – 160*
പൃഥ്വി ഷാ – ദല്‍ഹി ക്യാപ്പിറ്റല്‍സ് – 57 – 190
ക്വിന്റണ്‍ ഡി കോക്ക് – ലഖ്നൗ സൂപ്പര്‍ ജയന്റ്‌സ് – 57 – 135
ട്രാവിസ് ഹെഡ് – സണ്‍റൈസേഴ്‌സ് ഹൈദരാബാദ് 53 – 165
ഫില്‍ സോള്‍ട്ടിനെ നഷ്ടമായെങ്കിലും വണ്‍ ഡൗണായെത്തിയ ആംഗ്ക്രിഷ് രഘുവംശിയെ ഒപ്പം കൂട്ടി നരെയ്ന് സ്‌കോര്‍ ഉയര്‍ത്തി. അര്‍ധ സെഞ്ച്വറി പൂര്‍ത്തിയാക്കിയാണ് നരെയ്ന് തിളങ്ങിയത്. 39 പന്തില്‍ ഏഴ് സിക്‌സറിന്റെയും ആറ് ബൗണ്ടറിയുടെയും അകമ്പടിയോടെ 81 റണ്‍സാണ് താരം സ്വന്തമാക്കിയത്.
The breaker of records, hitter of sixes & smasher of boundaries! 👑 pic.twitter.com/zTecNwEAil
— KolkataKnightRiders (@KKRiders) May 5, 2024
ഓപ്പണര്‍മാര്‍ ചേര്‍ന്ന് അടിത്തറയിട്ട ഇന്നിങ്‌സ് പിന്നാലെയെത്തിയവര്‍ കെട്ടിപ്പൊക്കി.
നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 235 റണ്‍സാണ് കൊല്‍ക്കത്ത പടുത്തുയര്‍ത്തിയത്. ഏകാന സ്പോര്ട്സ് സിറ്റിയില്‍ ഇതാദ്യമായാണ് ഒരു ടീം 200 റണ്‍സ് മാര്‍ക് മറികടക്കുന്നത്.
Breached 𝟐𝟎𝟎 at Ekana in style!
Time to defend it 💪 pic.twitter.com/yjCxZ6Qvop
— KolkataKnightRiders (@KKRiders) May 5, 2024
ലഖ്‌നൗവിനായി നവീന്‍ ഉള്‍ ഹഖ് മൂന്ന് വിക്കറ്റ് വീഴ്ത്തിയപ്പോള്‍ രവി ബിഷ്‌ണോയ്, യാഷ് താക്കൂര്‍, യുദ്ധ്‌വീര്‍ സിങ് എന്നിവര്‍ ഓരോ വിക്കറ്റും നേടി.
കൊല്‍ക്കത്ത നൈറ്റ് റൈഡേഴ്സ് പ്ലെയിങ് ഇലവന്‍
ഫില്‍ സോള്‍ട്ട് (വിക്കറ്റ് കീപ്പര്‍), സുനില്‍ നരെയ്ന്, ആംഗ്ക്രിഷ് രഘുവംശി, വെങ്കിടേഷ് അയ്യര്‍, ശ്രേയസ് അയ്യര്‍ (ക്യാപ്റ്റന്‍), റിങ്കു സിങ്, ആന്ദ്രേ റസല്‍, രമണ്‍ദീപ് സിങ്, മിച്ചല്‍ സ്റ്റാര്‍ക്, ഹര്‍ഷിത് റാണ, വരുണ്‍ ചക്രവര്‍ത്തി.
ലഖ്നൗ സൂപ്പര്‍ ജയന്റ്‌സ് പ്ലെയിങ് ഇലവന്‍
കെ.എല്‍. രാഹുല്‍ (വിക്കറ്റ് കീപ്പര്‍, ക്യാപ്റ്റന്‍), മാര്‍കസ് സ്റ്റോയ്‌നിസ്, ദീപക് ഹൂഡ, നിക്കോളാസ് പൂരന്‍, ആഷ്ടണ്‍ ടര്‍ണര്‍, ആയുഷ് ബദോനി, ക്രുണാല്‍ പാണ്ഡ്യ, രവി ബിഷ്‌ണോയ്, നവീന്‍ ഉള്‍ ഹഖ്, മൊഹ്‌സിന്‍ ഖാന്‍, യാഷ് താക്കൂര്‍.
Content Highlight: IPL 2024: KKR vs LSG: Phil Salt with yet another record
