ജുമുഅ നിസ്‌കാരം നടക്കുന്ന സ്ഥലത്ത് ഗോവര്‍ധന്‍ പൂജ നടത്തുമെന്ന് ഹിന്ദു സംഘര്‍ഷ് സമിതി; 'അതിഥി' കൊലവിളി പ്രസംഗം നടത്തിയ കപില്‍ മിശ്ര
ഡൂള്‍ന്യൂസ് ഡെസ്‌ക്
Friday, 5th November 2021, 8:32 am
ഗുഡ്ഗാവ്: ജുമുഅ നിസ്‌കാരം നടക്കുന്ന സ്ഥലത്ത് ഗോവര്‍ധന്‍ പൂജ നടത്തുമെന്ന് ഹിന്ദുത്വ സംഘടനകള്‍.
ഹരിയാനയിലെ ഗുഡ്ഗാവിലെ നിസ്‌കാര സ്ഥലത്താണ് വെള്ളിയാഴ്ച 11 മണി മുതല്‍ പൂജ നടത്തുന്നത്. പൂജ സംഘടിപ്പിക്കുമെന്ന വിവരം സംയുക്ത ഹിന്ദു സംഘര്‍ഷ് സമിതിയാണ് അറിയിച്ചത്.
പൗരത്വ ഭേദഗതിക്കെതിരെ പ്രതിഷേധിച്ചവര്‍ക്ക് നേരെ കൊലവിളി നടത്തിയ ബി.ജെ.പി നേതാവ് കപില്‍ മിശ്ര പൂജയില്‍ പങ്കെടുക്കും.
പൂജയില്‍ 5,000 ആളുകള്‍ പങ്കെടുപ്പിക്കുമെന്ന് ഹിന്ദു സംഘര്‍ഷ് സമിതി നേതാക്കള്‍ പറഞ്ഞു. പൂജക്ക് ശേഷം പ്രസാദം വിതരണം ചെയ്യുമെന്നും നേതാക്കള്‍ പറഞ്ഞു.
രണ്ട് മാസത്തോളമായി ഇവിടെ ജുമുഅ തടസപ്പെട്ടിരിക്കുകയാണ്. തീവ്ര വലതുപക്ഷ സംഘടനകളുടെ എതിര്‍പ്പിനെ തുടര്‍ന്നാണ് ഇവിടെ ജുമുഅ തടസപ്പെട്ടത്.
