കളിക്കളത്തിലെ പ്രകടനമാണ് അടിസ്ഥാനമെങ്കില്‍ ഇന്ത്യന്‍ ടീമില്‍ ആദ്യമെത്തേണ്ടിയിരുന്നത് സഞ്ജുവും പിന്നെ ഇവനും
സ്പോര്‍ട്സ് ഡെസ്‌ക്
Wednesday, 25th May 2022, 7:01 pm
ദക്ഷിണാഫ്രിക്കയുടെ ഇന്ത്യന്‍ പര്യടനത്തിനുള്ള ടീമിനെ പ്രഖ്യാപിച്ചതുമുതല്‍ ബി.സി.സി.ഐക്കെതിരെ നിരന്തരവിമര്‍ശനങ്ങള്‍ ഉയര്‍ന്നുവന്നിരുന്നു.
സീനിയര്‍ താരങ്ങളായ വിരാട് കോഹ്‌ലിയ്ക്കും രോഹിത് ശര്‍മയ്ക്കും ജസ്പ്രീത് ബുംറയ്ക്കും വിശ്രമം അനുവദിച്ചപ്പോള്‍ നിരവധി യുവതാരങ്ങള്‍ക്കും ടീമില്‍ ഇടം ലഭിച്ചിരുന്നു.
കെ.ആല്‍. രാഹുല്‍ നയിക്കുന്ന ടീമിലേക്ക് വെറ്ററന്‍ താരം ദിനേഷ് കാര്‍ത്തിക് മടങ്ങിയെത്തിയതും ഐ.പി.എല്ലില്‍ പ്രതിഭ തെളിയിച്ച നിരവധി താരങ്ങള്‍ക്ക് അവസരം ലഭിച്ചതുമായിരുന്നു സെലക്ഷന്റെ ഹൈലൈറ്റ്.
ഐ.പി.എല്ലില്‍ തിളങ്ങിയ പല താരങ്ങള്‍ക്കും അവസരം നല്‍കിയെങ്കിലും യഥാര്‍ത്ഥത്തില്‍ അവസരം ലഭിക്കേണ്ടിയിരുന്ന രണ്ട് താരങ്ങള്‍ക്ക് ബി.സി.സി.ഐ അവസരം നിഷേധിക്കുകയായിരുന്നു എന്ന വിമര്‍ശനവും ശക്തമാണ്.
ഐ.പി.എല്ലില്‍ 150ന് മുകളില്‍ സ്‌ട്രൈക്ക് റേറ്റുള്ള രണ്ട് ഇന്ത്യന്‍ താരങ്ങള്‍ ഇവര്‍ മാത്രമാണെന്നതും ശ്രദ്ധേയമാണ്.
