76 പന്തുകളില്‍ നിന്ന് ഒരു സിക്‌സും ഏഴു ബൗണ്ടറികളുമായി തകര്‍ത്തടിച്ച ഹാര്‍ദിക് പാണ്ഡ്യ 92 റണ്‍സോടെ പുറത്താകാതെ നിന്നു. പാണ്ഡ്യ തന്നെയാണ് ഇന്ത്യയുടെ ടോപ് സ്‌കോറര്‍.
50 പന്തുകള്‍ നേരിട്ട ജഡേജ മൂന്നു സിക്‌സും അഞ്ചു ഫോറുമടക്കം 66 റണ്‍സെടുത്ത് ഹാര്‍ദിക്കിന് ഉറച്ച പിന്തുണ നല്‍കി.
ടീം സ്‌കോര്‍ 26-ല്‍ എത്തിയപ്പോള്‍ തന്നെ ഇന്ത്യയ്ക്ക് ശിഖര്‍ ധവാന്റെ വിക്കറ്റ് നഷ്ടമായി. മായങ്ക് അഗര്‍വാളിന് പകരം ധവാനൊപ്പം ഇന്ന് ഇന്നിങ്‌സ് ഓപ്പണ്‍ ചെയ്ത ശുഭ്മാന്‍ ഗില്‍ ഭേദപ്പെട്ട പ്രകടനം പുറത്തെടുത്തു.
39 പന്തുകള്‍ നേരിട്ട താരം ഒരു സിക്‌സും മൂന്നു ഫോറുമടക്കം 33 റണ്‍സെടുത്തു. കോഹ്‌ലി 78 പന്തില്‍ 63 റണ്‍സെടുത്തു.
