ന്യൂദല്‍ഹി: കള്ളപ്പണം കൈവശം വെച്ചിരിക്കുന്നതായി ആരോപിക്കപ്പെട്ട ഇന്ത്യന്‍ പൗരന്മാരുടേയും സ്ഥാപനങ്ങളുടേയും ബാങ്ക് അക്കൗണ്ടുകളുടെ വിശദാംശങ്ങള്‍ സ്വിറ്റ്‌സര്‍ലാന്റ് ഇന്ത്യയ്ക്ക് കൈമാറിയതായി റിപ്പോര്‍ട്ടുകള്‍.
ഇരുരാജ്യങ്ങളും തമ്മിലുള്ള രഹസ്യ കരാറിന്റെ അടിസ്ഥാനത്തിലാണ് വിവരങ്ങള്‍ കൈമാറിയതെന്നാണ് റിപ്പോര്‍ട്ടുകള്‍ പറയുന്നത്.
സ്വിറ്റ്‌സര്‍ലാന്റ് നല്‍കിയ വിവരങ്ങള്‍ കള്ളപ്പണം അന്വേഷിക്കുന്ന ഏജന്‍സികള്‍ പരിശോധിക്കുകയും ഇന്ത്യക്കാരുടെ അക്കൗണ്ടുകളിലെ അനധികൃത ഇടപാടുകള്‍ സംബന്ധിച്ച് അന്വേഷിക്കുമെന്നും ഇതുമായി ബന്ധപ്പെട്ട വൃത്തങ്ങള്‍ പറഞ്ഞു.
