ഈ പാട്ടല്ലേ ആ പാട്ട്; ഹൃത്വിക് റോഷന്‍ ചിത്രത്തിന്റെ പാട്ടിന് പിന്നാലെ ചര്‍ച്ചയുമായി സോഷ്യല്‍ മീഡിയ
എന്റര്‍ടെയിന്‍മെന്റ് ഡെസ്‌ക്
Friday, 15th December 2023, 9:27 pm
2024ല്‍ സിനിമാ പ്രേമികള്‍ ഏറെ പ്രതീക്ഷയോടെ കാത്തിരിക്കുന്ന ഹൃത്വിക് റോഷന്‍ ചിത്രമാണ് ഫൈറ്റര്‍. ഏരിയല്‍ ആക്ഷന്‍ ചിത്രമായ ഫൈറ്ററിന്റെ ആദ്യ ഗാനം ‘ഷേര്‍ ഖുല്‍ ഗയേ’ ഇന്ന് റിലീസ് ചെയ്തു.
ഗാനം പുറത്തിറങ്ങിയതിന് പിന്നാലെ ആരാധകര്‍ ഈ ഗാനത്തിന് മറ്റ് പല ഗാനങ്ങളുടെയും ബീറ്റുകളോട് സാമ്യമുണ്ടെന്ന് കണ്ടെത്തി. ഈ കാര്യം പല മാധ്യമങ്ങളും റിപ്പോര്‍ട്ട് ചെയ്തു. തുടക്കത്തില്‍ ഹൃത്വിക് റോഷന്റെ തന്നെ വാര്‍ സിനിമയുടെ ഒരു ഗാനവുമായി സാമ്യമുണ്ടെന്ന തരത്തിലായിരുന്നു ചര്‍ച്ചകള്‍ നടന്നത്.
എന്നാല്‍ പിന്നീട് ഗാനത്തിന്റെ ബീറ്റിന് ബീ ഗീസിന്റെ ‘സ്റ്റെയ്ന്‍ എലൈവ്’ എന്ന ഇംഗ്ലീഷ് ഗാനത്തോടും കിഷോര്‍ കുമാറിന്റെ മേരേ ജീവന്‍ സാത്തി എന്ന സിനിമയിലെ ‘ഓ മേരേ ദില്‍ കെ ചെയിന്‍’ എന്നീ ഗാനത്തോടും സാമ്യമുണ്ടെന്ന തരത്തിലുള്ള ചര്‍ച്ചകള്‍ ആരംഭിച്ചു.
