സിനിമ അവസാനിപ്പിക്കാനുള്ള തീരുമാനത്തില്‍ നിന്ന് സൈറ വസീം പിന്‍മാറുമെന്ന് പ്രതീക്ഷിക്കുന്നു: ഫര്‍ഹാന്‍ അക്തര്‍
എന്റര്‍ടെയിന്‍മെന്റ് ഡെസ്‌ക്
Saturday, 28th September 2019, 4:51 pm
മുംബൈ: വിശ്വാസപരമായ കാരണങ്ങളാല്‍ സിനിമാ അഭിനയം നിര്‍ത്തിയ സൈറാ വസീം തന്റെ തീരുമാനം പുനപരിശോധിക്കുമെന്നാണ് താന്‍ പ്രതീക്ഷിക്കുന്നതെന്ന് ബോളിവുഡ് നടന്‍ ഫര്‍ഹാന്‍ അക്തര്‍.
‘സ്വന്തം ജീവിതത്തില്‍ തീരുമാനമെടുക്കാന്‍ എല്ലാ വ്യക്തികള്‍ക്കും അവകാശമുണ്ട്. ഇക്കാര്യത്തിലെ ശരിതെറ്റുകള്‍ പറയാന്‍ നമ്മള്‍ക്കവകാശമില്ല. പക്ഷെ അവരുടെ കൂടെ ജോലി ചെയ്ത ആളെന്ന നിലയ്ക്ക് മാത്രം പറയുകയാണ്, സൈറ തീരുമാനം മാറ്റുമെന്നാണ് ഞാന്‍ പ്രതീക്ഷിക്കുന്നത്.’ സിനിമ നിര്‍ത്തുകയാണെന്ന് പറഞ്ഞതിന് ശേഷം സൈറയുമായി സംസാരിച്ചിട്ടില്ലെന്നും ഫര്‍ഹാന്‍ അക്തര്‍ പറഞ്ഞു.
