എന്റര്‍ടെയിന്‍മെന്റ് ഡെസ്‌ക്Just now
ചെന്നൈ: വഖഫ് ഭേദഗതി നിയമം സംബന്ധിച്ച സുപ്രീം കോടതിയുടെ ഇടക്കാല ഉത്തരവ് സ്വാഗതം ചെയ്ത് തമിഴക വെട്രി കഴകം അധ്യക്ഷനും നടനുമായ വിജയ്. ഇസ്‌ലാമികരുടെ അവകാശങ്ങള്‍ക്കുവേണ്ടിയും അടിച്ചമര്‍ത്തപ്പെട്ട ജനങ്ങളുടെ അവകാശങ്ങള്‍ക്കും വേണ്ടിയാണ് താന്‍ എപ്പോഴും നിലകൊള്ളുന്നതെന്നും വിജയ് പറഞ്ഞു.
We are deeply grateful to the Hon’ble Supreme Court of India for its order today on our petition against the Waqf Amendment Act, 2005. The Union Government is refrained from acting upon the key provisions of the bill that are unconstitutional, be it inclusion of non Muslims in…
— TVK Vijay (@TVKVijayHQ) April 17, 2025
തമിഴക വെട്രി കഴകം ഫയല്‍ ചെയ്ത ഹരജി ഉള്‍പ്പെടെ സുപ്രീം കോടതിയില്‍ വഖഫ് ഭേദഗതി നിയമത്തെ ചോദ്യം ചെയ്തുവെന്നും വിജയ് ചൂണ്ടിക്കാട്ടി. ടി.വി.കെയുടെ ഹരജിയില്‍ വാദിച്ച മുതിര്‍ന്ന അഭിഭാഷകന്‍ അഡ്വ. അഭിഷേക് സിങ്‌വിക്ക് വിജയ് നന്ദി അറിയിക്കുകയും ചെയ്തു. എക്സില്‍ പങ്കുവെച്ച പോസ്റ്റിലൂടെയാണ് വിജയ്‌യുടെ പ്രതികരണം.
வக்ஃபு திருத்தச் சட்டப்படி எந்தப் புதிய உறுப்பினர் நியமனமும் மேற்கொள்ளக் கூடாது என்றும், ஏற்கெனவே பதியப்பட்ட வக்ஃபு சொத்துகள் மீது எந்தப் புதிய நடவடிக்கையும் எடுக்கக் கூடாது என்றும் உச்சநீதிமன்றம் உத்தரவிட்டிருப்பது வரவேற்கத்தக்கது.
இஸ்லாமியர்களின் உரிமையான வக்ஃபு வாரியம்…
— TVK Vijay (@TVKVijayHQ) April 17, 2025
പുതിയ വഖഫ് നിയമം ഭരണഘടന വിരുദ്ധമാണെന്ന് ആരോപിച്ചാണ് ടി.വി.കെ സുപ്രീം കോടതിയില്‍ ഹരജി നല്‍കിയത്.
വഖഫ് നിയമത്തിനെതിരെ കോടതിയെ സമീപിച്ചവരില്‍ ഡി.എം.കെയും എ.ഐ.എം.ഐ.എം എം.പി അസദുദ്ദീന്‍ ഒവൈസിയും കോണ്‍ഗ്രസ് എം.പിമാരായ മുഹമ്മദ് ജാവേദ്, ഇമ്രാന്‍ പ്രതാപ് ഗര്‍ഹി എന്നിവരും എ.എ.പി എം.എല്‍.എ അമാനത്തുള്ള ഖാന്‍, ആസാദ് സമാജ് പാര്‍ട്ടി അധ്യക്ഷനും എം.പിയുമായ ചന്ദ്രശേഖര്‍ ആസാദ് എന്നിവരും ഉള്‍പ്പെട്ടിരുന്നു.
നിലവില്‍ സുപ്രീം കോടതി പുറപ്പെടുവിച്ച ഇടക്കാല ഉത്തരവില്‍, പുതിയ വഖഫ് നിയമത്തില്‍ മറുപടി നല്‍കാന്‍ കേന്ദ്ര സര്‍ക്കാരിന് ഒരാഴ്ചത്തെ സമയമാണ് നല്‍കിയിരിക്കുന്നത്. വഖഫ് സ്വത്തുക്കളുടെ തല്‍സ്ഥിതി തുടരണമെന്നും വഖഫ് ബോര്‍ഡില്‍ നിയമനം നടത്തരുതെന്നും കോടതി ഉത്തരവിട്ടിട്ടുണ്ട്.
നിയമനിര്‍മാണം ആര്‍ക്കും ബുദ്ധിമുട്ടാകരുതെന്നും കോടതി ചൂണ്ടിക്കാട്ടി. കണക്കുകള്‍ അനുസരിച്ച് 75 ഹരജികളാണ് വഖഫ് ഭേദഗതിയെ ചോദ്യം ചെയ്ത് സുപ്രീം കോടതിയില്‍ എത്തിയത്. ഇതില്‍ അഞ്ചെണ്ണം പരിഗണിക്കുമെന്നും അടുത്ത വാദം മേയ് അഞ്ചിന് കേള്‍ക്കുമെന്നും കോടതി അറിയിച്ചു.
Content Highlight: Vijay welcomes Supreme Court’s interim order on Waqf Amendment Act
