റഷ്യന്‍ സര്‍ക്കാരിന്റെയും വ്‌ളഡ്മിര്‍ പുടിന്റെയും കടുത്ത വിമര്‍ശകനും റഷ്യയില്‍ അഴിമതി വിരുദ്ധ പോരാട്ടത്തിന്റെ മുന്‍നിര നേതാവുമായ അലക്‌സി നവാല്‍നിയ്ക്ക് സംഭവിച്ച അപകടത്തില്‍ പലരും വിരല്‍ ചൂണ്ടുന്നത് റഷ്യന്‍ പ്രസിഡന്റ് വ്‌ളാഡ്മിര്‍ പുടിനിലേക്ക്.
റഷ്യയില്‍ പുതിന്റെ വിമര്‍ശകരായിരുന്ന പത്തോളം പേര്‍ കഴിഞ്ഞ ദശാബ്ദങ്ങളില്‍ കൊല്ലപ്പെട്ടുവെന്നാണ് അന്തരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്. വെടിയേറ്റും, വിഷബാധയേറ്റും അപൂര്‍വ്വ രോഗങ്ങള്‍ ബാധിച്ചുമാണ് ദുരൂഹ സാഹചര്യത്തില്‍ മാധ്യമപ്രവര്‍ത്തകരും അഭിഭാഷകരും വ്യവസായികളും ഉള്‍പ്പെടെ കൊല്ലപ്പെട്ടത്.
ഇപ്പോള്‍ വിഷബാധയേറ്റ് കോമയിലായിരിക്കുന്ന് അലക്‌സി നവാല്‍നി റഷ്യന്‍ സര്‍ക്കാരിന്റെയും വ്‌ളാഡ്മിര്‍ പുടിന്റെയും കടുത്ത വിമര്‍ശകനായിരുന്നു. റഷ്യയുടെ ചോര ഊറ്റികുടിക്കുകയാണ് വ്‌ളാഡ്മിര്‍ പുടിന്‍ എന്ന് നിരവധി തവണ പൊതുമധ്യത്തില്‍ ആവര്‍ത്തിച്ചയാള്‍ കൂടിയാണ് നവാല്‍നി. പുടിന്‍ ഏറ്റവും കൂടുതല്‍ ഭയക്കുന്ന പ്രതിപക്ഷ നേതാവെന്നാണ് അലക്‌സി നവാല്‍നിയെ വാള്‍ സ്ട്രീറ്റ് ജേണല്‍ വിശേഷിപ്പിച്ചത്.
അലക്‌സി നവാല്‍നിയ്ക്ക് സംഭവിച്ച അപകടത്തിന്റെ പശ്ചാത്തലത്തില്‍ റഷ്യയില്‍ വലിയ വിവാദങ്ങള്‍ക്ക് തിരികൊളുത്തിയ ആ ദുരൂഹ മരണങ്ങളിലേക്കും കൊലപാതകങ്ങളിലേക്കും ഒന്നു കൂടി തിരിഞ്ഞു നോക്കാം.
ബോറിസ് നെംറ്റ്‌സോവ്,2015
നാല് തവണയാണ് അക്രമി അദ്ദേഹത്തിന് നേരെ വെടിയുതിര്‍ത്തത്. കേസന്വേഷണത്തിന്റെ നിയന്ത്രണം പുടിന്‍ തന്റെ നിയന്ത്രണത്തിലാക്കിയെന്നും ബോറിസിന്റെ കൊലപാതകി ഇപ്പോഴും അജ്ഞാതനായി തന്നെ തുടരുന്നുവെന്നും വാഷിങ്ടണ്‍ പോസ്റ്റ് റിപ്പോര്‍ട്ട് ചെയ്യുന്നു.
ബോറിസ് ബെര്‍സ്‌വോസ്‌കി, 2013
പുടിനുമായുള്ള അഭിപ്രായ വ്യത്യാസങ്ങളെ തുടര്‍ന്ന് അദ്ദേഹം യു.കെയിലേക്ക് പോയി. പുടിനെ താഴെ ഇറക്കുക എന്ന ലക്ഷ്യമായിരുന്നു അദ്ദേഹത്തിന് ഉണ്ടായിരുന്നത്. മുന്‍ രഹസ്യാന്വേഷണ ഉദ്യോഗസ്ഥനും വിസില്‍ബ്ലോവറുമായ അലക്‌സാണ്ടര്‍ ലിറ്റ്വിനെങ്കോയെ 2009ല്‍ കൊലപ്പെടുത്താന്‍ ക്രെംലിന്‍ പദ്ധതിയിട്ടിരുന്നതായും അദ്ദേഹം ആരോപിച്ചിരുന്നു.
പിന്നീട് ലണ്ടനിലെ വീട്ടില്‍ പൂട്ടിയിട്ട കുളിമുറിയില്‍ അദ്ദേഹത്തെ മരിച്ച നിലയില്‍ കണ്ടെത്തുകയായിരുന്നു. ബെര്‍സ്‌വോസ്‌കിയുടെ കഴുത്തില്‍ ഒരു കുരുക്ക് ഉണ്ടായിരുന്നു. അതുകൊണ്ട് തന്നെ മരണം ആത്മഹത്യയായിരുന്നുവെന്നായിരുന്
സ്റ്റാനിസ്‌ലാവ് മാര്‍ക്കലോവും അനസ്താഷിയ ബാബുവോറയും 2009
മനുഷ്യവകാശ പ്രവര്‍ത്തകനും അഭിഭാഷകനുമായിരുന്നു സ്റ്റാനിസ്്‌ലാവ് മാര്‍ക്കലോവ്. റഷ്യന്‍ പട്ടാളത്തിന്റെ കീഴില്‍ ചൂഷണം അനുഭവിച്ചിരുന്ന ചെച്ചന്‍ ജനതയുടെ വിഷയത്തില്‍ സജീവ പ്രവര്‍ത്തകനായിരുന്നു അദ്ദേഹം. പുടിനെതിരെ ലേഖനമെഴുതിയതില്‍ നിയമപ്രശ്‌നങ്ങള്‍ നേരിടുന്ന മാധ്യമപ്രവര്‍ത്തകരെയും അദ്ദേഹം സഹായിച്ചിരുന്നു.
2009ല്‍ ക്രെംലിനടുത്ത് വച്ച് മുഖംമൂടി ധരിച്ചെത്തിയ ഒരാള്‍ മാര്‍ക്കലോവിനെ വെടിവെച്ച് കൊല്ലുകയായിരുന്നു.
മാധ്യമപ്രവര്‍ത്തകയായിരുന്ന ബാബുവോറയെ മെര്‍ക്കലോവ് സഹായിച്ചിരുന്നു. ഇവരെയും വെടിവെച്ചു കൊലപ്പെടുത്തുകയായിരുന്നു. നിയോ നാസി ഗ്രൂപ്പുകളാണ് ഇരുവരുടെയും കൊലപാതകത്തിന് പിന്നിലെന്നാണ് റഷ്യ വെളിപ്പെടുത്തിയത്. ഇതില്‍ രണ്ട് പേരെ ശിക്ഷിക്കുകയും ചെയ്തിരുന്നു. എന്നാല്‍ പുടിനെതിരെ പ്രവര്‍ത്തിച്ചതിന്റെ പേരിലാണ് ഇരുവരും കൊല്ലപ്പെട്ടതെന്ന് ആരോപണങ്ങള്‍ ഉയര്‍ന്നിരുന്നു.
സെര്‍ജി മാഗ്നിസ്റ്റിസ്‌കി, 2009
അഭിഭാഷകനായ സെര്‍ജി മാഗ്നിസ്റ്റിസ്‌കി പൊലീസ് കസ്റ്റഡിയില്‍വെച്ച് 2009ലാണ് കൊല്ലപ്പെടുന്നത്. പൊലീസ് അദ്ദേഹത്തെ ക്രൂരമായി മര്‍ദ്ദിക്കുകയും വൈദ്യ ചികിത്സ നിഷേധിക്കുകയുമായിരുന്നു. ബ്രിട്ടീഷ് അമേരിക്കന്‍ ബിസിനസ്മാന്‍ വില്ല്യം ബ്രൗഡറിനൊപ്പം നികുതി വെട്ടിപ്പ് കേസിനെ കുറിച്ച് അന്വേഷിക്കുകയായിരുന്നു അദ്ദേഹം.
നതാലിയ എസ്റ്റമിറോവ, 2009
ചെച്ചനിയയില്‍ വര്‍ധിച്ചുവരുന്ന ദുരൂഹമരണങ്ങളെക്കുറിച്ചും തട്ടിക്കൊണ്ടുപോകലുകളെ കുറിച്ചും അന്വേഷിക്കുന്ന മാധ്യമപ്രവര്‍ത്തകയായിരുന്നു നതാലിയ എസ്റ്റമിറോവ. രാജ്യത്തെ വലിയ ഭീകരാക്രമണങ്ങള്‍ക്ക് ഉത്തരവാദികളായ ഇസ്‌ലാമിക തീവ്രവാദികളെ ഇല്ലായ്മ ചെയ്യാന്‍ റഷ്യന്‍ അനുകൂല സുരക്ഷാ സേന ചെച്ചന്യയില്‍ നിരന്തരമായി ആക്രമണങ്ങള്‍ നടത്തിയിരുന്നു. ഈ രണ്ട് അക്രമ ശക്തികള്‍ക്കിടയില്‍ പെട്ടുപോകുന്ന സാധാരണക്കാരായ നാട്ടുകാരെക്കുറിച്ച് എസ്റ്റമിറോവ റിപ്പോര്‍ട്ട് ചെയ്തു.
വീടിനടുത്തുനിന്നും തട്ടിക്കൊണ്ടുപോയ എസ്റ്റമിറോവയെ വെടിവെച്ച് കൊലപ്പെടുത്തുകയായിരുന്നു. അവരുടെ തലയ്ക്ക് ഉള്‍പ്പെടെ നിരവധി തവണയാണ് അക്രമകാരികള്‍ വെടിവെച്ചത്. പിന്നീട് മൃതദേഹം അടുത്തുള്ള ഒരു കാട്ടില്‍ ഉപേക്ഷിക്കുകയായിരുന്നു. ഇതുവരെ അവരുടെ കൊലപാതകത്തില്‍ ആരെയും ശിക്ഷിച്ചിട്ടില്ല.
അന്നാ പൊളിറ്റ്‌കോവ്‌സ്‌കയ 2006
അന്നാ പൊളിറ്റ്‌കോവ്‌സ്‌കയ നൊവായ ഗസറ്റയുടെ മാധ്യമ പ്രവര്‍ത്തകയായിരുന്നു. പുടിന്‍സ് റഷ്യ എന്ന അവരുടെ പുസ്തകത്തില്‍ റഷ്യ എങ്ങിനെ ഒരു പൊലീസ് രാഷ്ട്രമാകുന്നു എന്നതിനെക്കുറിച്ചാണ് പ്രതിപാദിക്കുന്നത്.
ചെചന്യയിലെ പീഡനങ്ങളെക്കുറിച്ചും അവര്‍ എഴുതിയിരുന്നു. താമസിക്കുന്ന സ്ഥലത്തെ ഒരു എലിവേറ്ററില്‍ വെച്ച് വെടിയേറ്റാണ് അന്നാ കൊല്ലപ്പെടുന്നത്. അഞ്ച് പേര്‍ കേസില്‍ ശിക്ഷിക്കപ്പെട്ടെങ്കിലും ആരുടെ നിര്‍ദേശ പ്രകാരമാണ് പ്രതികള്‍ ഇവരെ കൊലപ്പെടുത്തിയതെന്ന് ഇതുവരെയും പുറത്തുവന്നിട്ടില്ല.
അലക്‌സാണ്ടര്‍ ലിറ്റ്‌വിനെന്‍കോ, 2006
കെ.ജി.ബി ഏജന്റായിരുന്ന അലക്‌സാണ്ടര്‍ ലിറ്റ്‌വിനെന്‍കോ 2006ലാണ് കൊലപ്പെടുന്നത്. മാരക വിഷമായ പൊളോണിയം 210 കലര്‍ന്ന ചായ കുടിച്ചതിന് ശേഷം മൂന്നാഴ്ച്ച കഴിഞ്ഞാണ് അലക്‌സാണ്ടര്‍ മരിക്കുന്നത്.
ബിസിനസ് ഇന്‍സൈഡര്‍ റിപ്പോര്‍ട്ട് ചെയ്തത് പ്രകാരം റഷ്യന്‍ ഏജന്റുമാര്‍ തന്നെയായിരുന്നു ഇതിന് പിന്നില്‍. ബ്രിട്ടീഷ് അന്വേഷണവും റഷ്യന്‍ ഏജന്റുമാരിലേക്ക് തന്നെയാണ് വിരല്‍ ചൂണ്ടിയത്. എന്നാല്‍ കുറ്റാരോപതിരായ ഏജന്റുമാരെ സംരക്ഷിക്കുന്ന നിലപാടാണ് പുടിന്‍ സ്വീകരിച്ചതെന്ന് വാള്‍സ്്ട്രീറ്റ് ജേണല്‍ റിപ്പോര്‍ട്ട് ചെയ്യുന്നു. പുടിന്റെ വിമര്‍ശകനായിരുന്നു കൊല്ലപ്പെട്ട അലക്‌സാണ്ടര്‍.
സെര്‍ജി യുഷേന്‍കോവ്
റഷ്യന്‍ മാധ്യമപ്രവര്‍ത്തകര്‍ക്കിടയില്‍ പ്രത്യേകിച്ച് പാര്‍ലമെന്ററി റിപ്പോര്‍ട്ടര്‍മാര്‍ക്കിടയില്‍ ഏറെ സ്വാധീനമുള്ള ആര്‍മി ഉദ്യോഗസ്ഥാനായിരുന്നു സെര്‍ജി യുഷേന്‍കോവ്. ലിബറല്‍ റഷ്യ മൂവ്‌മെന്റ് എന്ന പേരില്‍ ഒരു രാഷ്ട്രീയ പാര്‍ട്ടി രൂപീകരിച്ചതിന് പിന്നാലെയാണ് അദ്ദേഹം വെടിയേറ്റ് കൊല്ലപ്പെടുന്നത്. ഒരു അപ്പാര്‍ട്ട്‌മെന്റില്‍ നടന്ന ബോംബാക്രമണത്തില്‍ പുടിന്‍ ഗവണ്‍മെന്റിന് പങ്കുണ്ട് എന്നത് സംബന്ധിച്ച് തെളിവുകള്‍ ശേഖരിക്കുകയായിരുന്നു അദ്ദേഹമെന്നും റിപ്പോര്‍ട്ടുകള്‍ ഉണ്ടായിരുന്നു.
യൂരി ഷെക്കോച്ചികിന്‍ 2003
മാധ്യമപ്രവര്‍ത്തകനായിരുന്ന യൂരി ഷെക്കോച്ചികിന്‍ സോവിയറ്റ് യൂണിയനിലെ അഴിമതിയെക്കുറിച്ചും 1999 ലെ ബോംബാക്രമണത്തെക്കുറിച്ചും അന്വേഷണം നടത്തുന്നുണ്ടായിരുന്നു. യു.എസിലേക്ക് പോകാന്‍ ഏതാനും ദിവസങ്ങള്‍ ബാക്കി നില്‍ക്കെ അപൂര്‍വ്വ രോഗം ബാധിച്ചാണ് ഇദ്ദേഹം മരിക്കുന്നത്. അദ്ദേഹത്തിന്റെ മെഡിക്കല്‍ വിവരങ്ങള്‍ ഔദ്യോഗിക രഹസ്യമാണെന്നായിരുന്നു റഷ്യന്‍ അധികൃതര്‍ പ്രഖ്യാപിച്ചത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
content Highlight: Critics of Vladmir putin who died violently or in suspicious ways -Russia