ദുല്‍ഖറിന് അടുത്ത പിറന്നാള്‍ സമ്മാനം; ഗണ്‍സ് ആന്‍ഡ് ഗുലാബ്സ് പ്രൊമോ വീഡിയോ
എന്റര്‍ടെയിന്‍മെന്റ് ഡെസ്‌ക്
Friday, 28th July 2023, 2:31 pm
ദുല്‍ഖര്‍ സല്‍മാന്റെ ഗണ്‍സ് ആന്‍ഡ് ഗുലാബ്സ് വെബ് സീരീസിന്റെ പ്രൊമോ വീഡിയോ പുറത്ത്. ദുല്‍ഖറിനൊപ്പം രാജ്കുമാര്‍ റാവോ, ആദര്‍ശ് ഗൗരവ് എന്നിവരും പ്രധാനകഥാപാത്രങ്ങളായി എത്തുന്ന വെബ് സീരീസിന്റെ ട്രെയ്‌ലര്‍ ഓഗസ്റ്റ് 28ന് റിലീസ് ചെയ്യും.
ട്രെയ്‌ലര്‍ റിലീസ് ഡേറ്റ് അറിയിച്ച് കൊണ്ട് പുറത്ത് വിട്ടിരിക്കുന്ന വീഡിയോ സോഷ്യല്‍ മീഡിയയില്‍ ശ്രദ്ധ നേടുകയാണ്. ദുല്‍ഖറിന്റെ പിറന്നാള്‍ ദിനത്തിലാണ് ചിത്രത്തിന്റെ ഏറ്റവും പുതിയ അപ്‌ഡേറ്റ് പുറത്ത് വിട്ടിരിക്കുന്നത് എന്നതും ശ്രദ്ധേയമാണ്.
ഡി2ആര്‍ ഫിലിംസിന്റെ നിര്‍മാണത്തില്‍ രാജ്& ഡി.കെയും സംവിധാനം ചെയ്യുന്ന ഗണ്‍സ് ആന്‍ഡ് ഗുലാബ്സ് നെറ്റ്ഫ്ളിക്സിലൈയിരിക്കും സ്ട്രീം ചെയ്യുക.
