ഖത്തര്‍ ലോകകപ്പിലെ അര്‍ജന്റീന-നെതര്‍ലാന്‍ഡ്‌സ് ക്വാര്‍ട്ടര്‍ മത്സരം അര്‍ജന്റീനയുടെ വിജയത്തിനൊപ്പം മത്സരത്തില്‍ ഉയര്‍ന്ന കാര്‍ഡുകളുടെ എണ്ണം കൊണ്ടും ചര്‍ച്ചയായിരുന്നു.
ഇരു ടീമംഗങ്ങളും ടീമിലെ ഒഫീഷ്യല്‍സും തമ്മില്‍ നിരന്തരം ഏറ്റുമുട്ടുന്നതിനാണ് മത്സരം സാക്ഷിയായത്. ആകെ 18 കാര്‍ഡുകളാണ് മത്സരത്തില്‍ കളി നിയന്ത്രിച്ച റഫറിയായ അന്റോണിയോ മത്തെഹൂ ലാഹോസ് ഉയര്‍ത്തിയത്. അതില്‍ 18 മഞ്ഞക്കാര്‍ഡും ഒരു ചുവപ്പ് കാര്‍ഡും ഉള്‍പ്പെടും.
അര്‍ജന്റീനയുടെ എട്ട് താരങ്ങള്‍ക്കും 2 ഒഫീഷ്യല്‍സിനും നെതര്‍ലാന്‍ഡ്‌സിന്റെ ഏഴ് താരങ്ങള്‍ക്കുമാണ് ലാഹോസ് മഞ്ഞ ക്കാര്‍ഡ് നല്‍കിയത്. ഇതില്‍ തന്നെ തുടര്‍ച്ചയായ രണ്ട് മഞ്ഞക്കാര്‍ഡുകള്‍ ലഭിച്ച ഡച്ച് താരം ഡെന്‍സെല്‍ ഡംഫ്രൈസ് ചുവപ്പ് കാര്‍ഡ് കണ്ട് മത്സരത്തിന് പുറത്ത് പോയിരുന്നു.
ലോകകപ്പ് ചരിത്രത്തില്‍ ഏറ്റവും കൂടുതല്‍ കാര്‍ഡ് ഉയര്‍ന്ന മത്സരം എന്ന റെക്കോര്‍ഡ് ഇതോടെ അര്‍ജന്റീന-നെതര്‍ലാന്‍ഡ്‌സ് മത്സരത്തിന് ലഭിച്ചു.
എന്നാലിപ്പോള്‍ മത്സരത്തിലുണ്ടായ അച്ചടക്ക ലംഘനത്തിനെതിരെ അര്‍ജന്റൈന്‍, ഹോളണ്ട് ഫുട്‌ബോള്‍ അസോസിയേഷനുകള്‍ക്കെതിരെ അന്വേഷണത്തിനൊരുങ്ങുകയാണ് ഫിഫ.
Just look at this outrageous madness of a yellow card😂😂 pic.twitter.com/Get0Rai4Tf
— DesmundOris (@Desmund_Oris) December 10, 2022
