പാവറട്ടിയില്‍ പിതാവ് അര്‍ബുദ രോഗിയായ മകളെ പീഡിപ്പിച്ചതായി പരാതി
ഡൂള്‍ന്യൂസ് ഡെസ്‌ക്
Tuesday, 27th June 2023, 1:20 pm
തൃശ്ശൂര്‍: തൃശ്ശൂരിലെ പാവറട്ടിയില്‍ പിതാവ് പ്രായപൂര്‍ത്തിയാകാത്ത മകളെ ലൈംഗികമായി പീഡിപ്പിച്ചതായി പരാതി. കുട്ടിയില്‍ സ്വഭാവ വൈകല്യങ്ങള്‍ കണ്ടതിനെ തുടര്‍ന്ന് സ്‌കൂള്‍ അധികൃതര്‍ നടത്തിയ കൗണ്‍സിലിങ്ങിലാണ് പീഡന വിവരം പുറത്തുവന്നത്.
പെണ്‍കുട്ടി അര്‍ബുദ രോഗബാധിതയാണെന്നാണ് റിപ്പോര്‍ട്ട്. വിദേശത്തായിരുന്ന പിതാവ് കൊവിഡ് കാലത്ത് അമ്മയ്ക്ക് അയച്ചു കൊടുത്ത ചില ദൃശ്യങ്ങള്‍ ഉള്‍പ്പെടെ കുട്ടി കാണാനിടയായിരുന്നു. ഇതേ തുടര്‍ന്ന് പെണ്‍കുട്ടി വലിയ മാനസിക സമ്മര്‍ദ്ദത്തിലായിരുന്നു.
