'ഞങ്ങളുടെ ഗോട്ടിന് പ്രായമായി'; 'പുതിയ കളിക്കാരെ ടീമിലെത്തിക്കൂ'; റോണോയെ പരിഹസിച്ച് ആരാധകര്‍
സ്പോര്‍ട്സ് ഡെസ്‌ക്
Tuesday, 18th July 2023, 4:37 pm
കഴിഞ്ഞ ദിവസം നടന്ന പ്രീ സീസണ്‍ സൗഹൃദ മത്സരത്തില്‍ ഞെട്ടിക്കുന്ന തോല്‍വിയാണ് അല്‍ നസര്‍ ഏറ്റുവാങ്ങിയത്. എതിരില്ലാത്ത അഞ്ച് ഗോളുകള്‍ക്ക് സെല്‍റ്റ വിഗോ അല്‍ നസറിനെ തോല്‍പ്പിക്കുകയായിരുന്നു. മത്സരത്തില്‍ 45 മിനിട്ട് മാത്രമാണ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ കളിച്ചിരുന്നത്.
മത്സരത്തിന് ശേഷം വലിയ രീതിയിലുള്ള വിമര്‍ശനങ്ങളാണ് അല്‍ നസറിനെ തേടിയെത്തിയത്. കളിയില്‍ മികച്ച പ്രകടനം പുറത്തെടുക്കാന്‍ സാധിക്കാത്തതിനാല്‍ റൊണാള്‍ഡോയെ പരിഹസിച്ച് ആരാധകര്‍ ട്വീറ്റ് ചെയ്തിരുന്നു.
‘ഗോട്ടിന് പ്രായമായി വരികയാണ്, കൂടുതല്‍ താരങ്ങളെ ക്ലബ്ബിലെത്തിക്കൂ’ എന്നാണ് ആരാധകരിലൊരാള്‍ റൊണാള്‍ഡോയെ പരിഹസിച്ച് ട്വീറ്റ് ചെയ്തത്. ‘റൊണാള്‍ഡോ ഓഫ് ആയി, ടി.വിയും ഓഫ് ചെയ്‌തോളൂ’, ‘റൊണാള്‍ഡോയുമില്ല പാര്‍ട്ടിയുമില്ല, ഗുഡ് ബൈ’ എന്ന് തുടങ്ങുന്ന ട്വീറ്റുകളാണ് ഉയര്‍ന്നുവരുന്നത്.
