മൈതാനത്ത് സമയം ചെലവഴിക്കുന്നവര്‍ക്ക് മാത്രമേ യാഥാര്‍ത്ഥ്യം എന്താണെന്ന് അറിയാന്‍ സാധിക്കുകയുള്ളുവെന്ന് ഡി.കെ. ശിവകുമാര്‍ പറഞ്ഞു. എക്‌സിറ്റ് പോളുകള്‍ വെറും സാമ്പിളുകള്‍ മാത്രമാണെന്നും അതിലൂടെ ഒരു സംസ്ഥാനത്തിന്റെ പൂര്‍ണചിത്രം വരച്ചുകാട്ടുന്നില്ലെന്നും അദ്ദേഹം ചൂണ്ടിക്കാട്ടി.
ചില സംസ്ഥാനങ്ങളില്‍ തൂക്കുമന്ത്രി സഭ വന്നാല്‍ കോണ്‍ഗ്രസ് നിയമസഭാംഗങ്ങളെ കര്‍ണാടകയില്‍ പാര്‍പ്പിക്കുമോ എന്ന മാധ്യമപ്രവര്‍ത്തകരുടെ ചോദ്യത്തിന് രാജസ്ഥാനിലും മറ്റു സംസ്ഥാനങ്ങളിലും കോണ്‍ഗ്രസ് വിജയിക്കുമെന്ന് തനിക്ക് ഉറപ്പാണെന്ന് ഡി.കെ. ശിവകുമാര്‍ പറഞ്ഞു. പാര്‍ട്ടിയുടെ നിര്‍ദേശം ഉണ്ടെങ്കില്‍ മാത്രം ആക്കാര്യങ്ങളില്‍ തീരുമാനമെടുക്കുമെന്നും അദ്ദേഹം കൂട്ടിച്ചേര്‍ത്തു.
ബി.ജെ.പിയുടെ വേട്ടയാടലിനെ ഭയന്ന് കോണ്‍ഗ്രസ് പാര്‍ട്ടിയുടെ നിര്‍ദേശ പ്രകാരം കര്‍ണാടക എം.എല്‍.മാരെ ഡി.കെ. ശിവകുമാര്‍ മഹാരാഷ്ട്രയിലെ റിസോര്‍ട്ടില്‍ പാര്‍പ്പിച്ചിരുന്നു.
