ഉര്‍ദു തര്‍ജമക്കാര്‍ക്കും സ്റ്റെനോഗ്രാഫര്‍മാര്‍ക്കും ജോലി നല്‍കി നിതീഷ് കുമാര്‍; ബിഹാറില്‍ പാകിസ്ഥാന്‍ ഉണ്ടാക്കരുതെന്ന് ബി.ജെ.പി
ഡൂള്‍ന്യൂസ് ഡെസ്‌ക്
Friday, 4th November 2022, 3:35 pm
പട്‌ന: നരേന്ദ്ര മോദി സര്‍ക്കാര്‍ ദരിദ്ര സംസ്ഥാനങ്ങളില്‍ പ്രചാരണത്തില്‍ മാത്രമാണ് ശ്രദ്ധയൂന്നുന്നതെന്നും വാഗ്ദാനങ്ങളൊന്നും പാലിക്കുന്നില്ലെന്നും ബിഹാര്‍ മുഖ്യമന്ത്രി നിതീഷ് കുമാര്‍.
എല്ലാ ദരിദ്ര സംസ്ഥാനങ്ങള്‍ക്കും കിട്ടേണ്ട പ്രത്യേക പദവി ദീര്‍ഘകാലം ആവശ്യപ്പെട്ടിട്ടും ബിഹാറിന് ലഭ്യമായില്ലെന്നും നിതീഷ് കുമാര്‍ പറഞ്ഞു. പ്രചാരണം മാത്രമല്ലാതെ, ദരിദ്ര സംസ്ഥാനങ്ങള്‍ക്ക് ഗുണകരമായ എന്തെങ്കിലും സംഭവിക്കുന്നുണ്ടോ എന്നും നിതീഷ് ചോദിച്ചു.
സെക്രട്ടറിയേറ്റില്‍ നടന്ന ചടങ്ങില്‍ 200 ഉര്‍ദു തര്‍ജമക്കാര്‍ക്കും സ്റ്റെനോഗ്രാഫര്‍മാര്‍ക്കും ജോലിക്കുള്ള അപ്പോയിന്‍മെന്റ് ലെറ്റര്‍ നല്‍കിക്കൊണ്ട് സംസാരിക്കുകയായിരുന്നു അദ്ദേഹം.
