ദേവഗൗഡയുടെ പിറന്നാളിനെത്തി; ഒപ്പമിരുന്നുണ്ട് കോണ്‍ഗ്രസ്-ജനതാദള്‍ സഖ്യം തുടരും എന്ന സന്ദേശം നല്‍കി ഡി.കെ ശിവകുമാര്‍
ഡൂള്‍ന്യൂസ് ഡെസ്‌ക്
Tuesday, 19th May 2020, 6:03 pm
ബെംഗളൂരു: ദിവസങ്ങളായി വലിയ ആള്‍ക്കൂട്ടങ്ങളില്‍ പങ്കെടുക്കാതെ മാറി നില്‍ക്കുകയാണ് മുന്‍ പ്രധാനമന്ത്രിയും ജനതാദള്‍ എസ് നേതാവുമായ എച്ച്.ഡി ദേവഗൗഡ. തന്റെ പിറന്നാളായ തിങ്കളാഴ്ച ആരും ആശംസകള്‍ നേരുന്നതിന് വേണ്ടി വസതിയിലേക്ക് എത്തേണ്ടതില്ലെന്ന് ദേവഗൗഡ അഭ്യര്‍ത്ഥിച്ചിരുന്നു.സാമൂഹ്യ അകലം പാലിച്ച് ജനതാദള്‍ എസ് ഓഫീസില്‍ 88 കിലോയുടെ കേക്ക് മുറിച്ച് ജന്മദിനാഘോഷം നടത്തിയിരുന്നു.
വസതിയിലേക്ക് ആരും വരേണ്ടതില്ലെന്ന് ദേവഗൗഡ അഭ്യര്‍ത്ഥിച്ചിരുന്നുവെങ്കിലും പിറന്നാള്‍ ആഘോഷത്തിന് ഒരു അതിഥി എത്തി. കോണ്‍ഗ്രസ് അദ്ധ്യക്ഷന്‍ ഡി.കെ ശിവകുമാറായിരുന്നു അത്. വലിയ പൂക്കൂടയുമായാണ് ശിവകുമാര്‍ ദേവഗൗഡയുടെ വസതിയിലെത്തിയത്.
